గుజరాత్ లో మరో కీలక పరిణామం చోటు చేసుకుంది.స్పీకర్ రాజేంద్ర త్రివేది తన పదవికి రాజీనామా చేశారు. వచ్చే ఏడాది గుజరాత్ అసెంబ్లీకి ఎన్నికలు జరగబోతున్నాయి. ఈ క్రమంలో ఆ రాష్ట్ర రాజకీయాలు శరవేగంగా మారుతున్నాయి. ఇటీవలే సీఎం పదవికి విజయ్ రూపానీ రాజీనామా చేశారు. ఆ తర్వాత ఆయన స్థానంలో భూపేంద్ర పాటిల్ ను సీఎంగా బీజేపీ అధిష్ఠానం నియమించింది. మరోవైపు ఇవాళ (గురువారం) ఆ రాష్ట్ర అసెంబ్లీ స్పీకర్ పదవికి రాజేంద్ర త్రివేది రాజీనామా చేశారు. తన రాజీనామా లేఖను అసెంబ్లీ సెక్రటరీకి పంపించారు. త్రివేదికి మంత్రి వర్గంలో చోటు దక్కడంతో రాజీనామా చేశారు. స్పీకర్ రాజీనామా తక్షణమే అమల్లోకి వచ్చినట్టు అసెంబ్లీ సెక్రటరీ ప్రకటించారు. ఆ తర్వాత ఆయన స్థానంలో కొత్త స్పీకర్ గా నిమ బెన్ ఆచార్య ఎంపికయ్యారు. ఈ పరిణామాలన్నీ కొన్ని గంటల్లోనే జరిగాయి.
