హైదరాబాద్, వెలుగు: నిమ్స్లో వారం రోజుల పాటు చిన్న పిల్లలకు ఉచితంగా గుండె ఆపరేషన్లను చేయనున్నారు. చార్లీస్ హార్ట్ హీరోస్ క్యాంప్ పేరుతో బ్రిటన్కు చెందిన డాక్టర్ల బృందం.. ఈ నెల 24 నుంచి 30 వరకు ఆపరేషన్లు నిర్వహించనుంది. అప్పుడే పుట్టిన చిన్నారుల నుంచి ఐదేళ్లలోపు పిల్లలకు గుండెలో రంధ్రం, ఇతర గుండె సంబంధిత వ్యాధులకు ఆపరేషన్లను చేస్తారని నిమ్స్ డైరెక్టర్ బీరప్ప ఆదివారం ఓ ప్రకటనలో తెలిపారు.
బ్రిటన్ డాక్టర్ రమణ దన్నపునేని ఆధ్వర్యంలో పది మంది డాక్టర్ల టీమ్తోపాటు నిమ్స్ కార్డియో థొరాసిక్ విభాగం హెడ్ అమరేశ్వర రావు టీం, నీలోఫర్ ఆసుపత్రి డాక్టర్లు కూడా ఆపరేషన్లలో పాల్గొంటారన్నారు. మరిన్ని వివరాలకు 040 -23489025 నంబర్కు ఫోన్ చేయొచ్చన్నారు. ఉదయం 9 గంటల నుంచి మధ్యాహ్నం 2 గంటల వరకు ఫోన్ లైన్ అందుబాటులో ఉంటుందన్నారు.