లండన్(బ్రిటన్): ఆర్థిక నేరగాడు నీరవ్ మోడీకి లండన్ కోర్టులో మరోసారి చుక్కెదురైంది. వెస్ట్ మినిస్టర్ కోర్టు చీఫ్ మేజిస్ట్రేట్ ఎమ్మా, వరుసగా మూడోసారి నీరవ్కు బెయిల్ నిరాకరించారు. పిటిషన్ విచారణకు మోడీని జైలు నుంచి కోర్టుకు తీసుకొచ్చారు. 20 లక్షల పౌండ్లు సెక్యూరిటీ ఇస్తామని, లండన్లోని ఫ్లాట్లో నీరవ్ ఉంటారని, కోర్టు పెట్టే ఎలాంటి కండిషన్లకైనా సిద్ధమని ఆయన తరఫు న్యాయవాది కోర్టుకు చెప్పారు. ఇండియా తరఫు వాదనలు వినిపించిన క్రౌన్ ప్రాసిక్యూషన్ సర్వీస్ (సీపీఎస్), నీరవ్కు బెయిలివ్వొద్దని కోరింది. బెయిల్ కోసం ఆయన చూపుతున్న కారణాలు సరిగా లేవంది. సీపీఎస్ వాదనతో ఏకీభవించిన న్యాయమూర్తి బెయిలివ్వడానికి నిరాకరించారు. ఒకసారి బెయిలిస్తే నిందితుడు తిరిగి సరెండర్ అవుతాడన్న నమ్మకం కలగడంలేదని చెప్పారు.
