నిజామాబాద్ రూరల్, వెలుగు: బీజేపీ నాయకులు మతాల పేరుతో ప్రజల మధ్య చిచ్చు పెట్టి ఓట్లు దండుకోవడం తప్పా ప్రజల కోసం చేసిందేమీ లేదని రూరల్ ఎమ్మెల్యే భూపతిరెడ్డి అన్నారు. ఆదివారం 3,4,5 డివిజన్ల పరిధిలో ఎన్నికల ప్రచారం నిర్వహించారు. ఈ సందర్భంగా భూపతిరెడ్డి మాట్లాడుతూ.. ఎంపీ అర్వింద్ ఎన్నికల సమయంలో ప్రజల వద్దకు వచ్చి రాముడు, కృష్ణుడు అంటూ.. హిందూముస్లిమంటు రెచ్చగొట్టే ప్రసంగాలు చేస్తాడని మిగితా సమయంలో ప్రజల వైపు కన్నెత్తి కూడా చూడడని అన్నారు.
అర్వింద్ గడిచిన ఏడు సంవత్సరాల్లో గ్రామాల అభివృద్ధి కోసం ఒక్క రూపాయి కేటాయించలేదని, ఇప్పుడు ఏ మోహం పెట్టుకుని ఓట్లు అడుగుతున్నడో చెప్పాలని ప్రశ్నించారు. ఈ ఎన్నికల్లో చెయ్యి గుర్తుకు ఓటేసి కాంగ్రెస్ అభ్యర్థులను గెలిపించాలని కోరారు. ఈ కార్యక్రమంలో ఏఎంసీ ఛైర్మన్ ముప్పగంగారెడ్డి, బాగారెడ్డి, అభ్యర్థులు జక్కులసంధ్య, తరుణ్, రమేశ్రెడ్డి పలువురు కాంగ్రెస్ నాయకులు ఁపాల్గొన్నారు.
