టాలీవుడ్ యంగ్ హీరో నిఖిల్ సిద్దార్థ నటిస్తున్న లేటెస్ట్ మూవీ స్పై టీజర్ రిలీజ్ అయ్యింది. దేశ రాజధాని ఢిల్లీలోని సుభాష్ చంద్రబోస్ విగ్రహం ఉండే కర్తవ్యపథ్ వద్ద ఈ టీజర్ ను విడుదల చేశారు మేకర్స్. ఇక టీజర్ నెక్స్ట్ లెవల్లో ఉంది. ఈ సినిమాలో నేతాజీ సుభాష్ చంద్రబోస్ మరణం చుట్టూ ఉన్న మిస్టరీ స్టోరీ గురించి చెప్పనున్నారు.
నిజానికి సుభాష్ చంద్రబోస్ విమాన ప్రమాదంలో చనిపోయాడనేది ఒక కవర్ స్టోరీ అని, అసలు నిజం ఏంటో ఈ సినిమాతో చెబుతున్నాం అంటున్నాడు నిఖిల్. అవుట్ అండ్ అవుట్ యాక్షన్ ఎంటర్టైనర్ గా రానున్న ఈ సినిమాలో ఓ రేంజ్ యాక్షన్ సన్నివేశాలు ఉండబోతున్నాయి అని తెలుస్తుంది. ఈ ఒక్క టీజర్ సినిమాపై అంచనాలు భారీగానే పెంచేసింది. అలాగే కార్తికేయ2 తరువాత నిఖిల్ నుండి వస్తున్న సినిమా కావడం మరో ప్లస్ పాయింట్.
ఐశ్వర్య మీనన్ హీరోయిన్ గా నటిస్తున్న ఈ సినిమాను.. క్షణం, గూఢచారి, ఎవరు, హిట్-1,2 వంటి సస్పెన్స్ సినిమాలకు ఎడిటర్ గా పని చేసిన ‘గర్రి బిహెచ్’ డైరెక్ట్ చేస్తున్నాడు. శ్రీచరణ్ పకల సంగీతం అందిస్తున్న ఈ మూవీని.. ఈడి ఎంటర్టైన్మెంట్స్ పతాకంపై కె రాజశేఖర్ రెడ్డి నిర్మిస్తున్నాడు. ఈ సినిమా జూన్ 29న ప్రేక్షకుల ముందుకు రానుంది.
