- మైనర్లపై అత్యాచార కేసుల్లో1% మందికే పరిహారం
- ఏడాదిలోపు విచారణ పూర్తి కావాలె.. 20% కూడా అవ్వట్లేదు
మైనర్లపై అత్యాచార కేసుల్లో ఒక్కటంటే ఒక్క శాతం మందికే పరిహారం అందుతోంది. ఆదుకోవడానికి చట్టాలు, పథకాలున్నా 99 శాతం మందికి ఏమాత్రం అందడం లేదు. పైగా పోక్సో చట్టం ప్రకారం వాళ్లకు సపోర్ట్‌ చేయడానికి ఓ వ్యక్తిని నియమించాల్సి ఉన్నా 96 శాతం మందికి అలాంటి సాయమేమీ జరగడం లేదు. పోక్సో కేసులపై జాతీయ స్థాయిలో సుప్రీంకోర్టు రిజిస్ట్రార్‌ సురీందర్‌ ఎస్‌ రతి చేసిన సర్వేలో ఈ విషయాలు తెలిశాయి. ఇందుకు సంబంధించిన రిపోర్టును సుప్రీంకోర్టుకు రతి సమర్పించారు. పోక్సో చట్టం, నేషనల్‌ లీగల్‌ సర్వీసెస్‌ అథారిటీ రూపొందించిన పథకం ప్రకారం రేప్‌ బాధితులకు రూ. 4 లక్షల పరిహారం ఇవ్వాలి. మధ్యంతర పరిహారం కూడా బాధితులకు అందించాలి. అలాంటి పరిహారం వాళ్లకు అవసరం కూడా. కానీ 99 శాతం మందికి ఈ మధ్యంతర పరిహారం అందడం లేదని సర్వేలో తేలింది. ఇలాంటి కేసుల విషయంలో ఏడాదిలో విచారణ పూర్తవ్వాల్సి ఉన్నా కేవలం 20 శాతం కేసుల దర్యాప్తు కూడా పూర్తవలేదని వెల్లడైంది.
కేంద్ర, రాష్ట్రాలపై సుప్రీం అసహనం
పోక్సో కేసుల సర్వే రిపోర్టును చూసి సుప్రీంకోర్టు ఆశ్చర్యం వ్యక్తం చేసింది. కేంద్ర, రాష్ట్ర ప్రభుత్వాల తీరుపై అసంతృప్తి వ్యక్తం చేసింది. మూడింట రెండు వంతుల కేసులు ఏడాదికి పైగా పెండింగ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఉండటమేంటని ప్రశ్నించింది. సరైనన్ని కోర్టులు లేకపోవడం వల్ల కూడా కేసుల విచారణ ఆలస్యమవుతోందని చెప్పింది. కేసుల ట్రయల్‌ కేటాయించిన టైంలో పూర్తయ్యేందుకు చేయాల్సిన పని చేయాలని కేంద్ర, రాష్ట్ర ప్రభుత్వాలకు ఆదేశాలు జారీ చేసింది. పోక్సో కేసుల విషయంలో అధికారులు త్వరగా పని చేసేలా పురిగొల్పాలని చెప్పింది. చట్ట ప్రకారం ఇచ్చిన టైంలో పోక్సో కేసుల విచారణ పూర్తవడానికి ప్రత్యేక కోర్టులు ఏర్పాటు చేయాలంది.
