స్టార్ హీరోల సినిమాలకు సంబంధించి రిలీజ్ డేట్స్ విషయంలో ఏడాది ముందే ఓ క్లారిటీకి వచ్చేస్తున్నారు ఫిల్మ్ మేకర్స్. ప్రస్తుతం ఎన్టీఆర్ కొత్త సినిమా విషయంలో అలాంటి క్లారిటీతోనే ఉన్నారట నిర్మాతలు. ‘ఆర్ఆర్ఆర్’ లాంటి భారీ సక్సెస్ తర్వాత కొరటాల శివ డైరెక్షన్లో నటించనున్నాడు ఎన్టీఆర్. కళ్యాణ్ రామ్తో కలిసి మిక్కిలినేని సుధాకర్ నిర్మిస్తున్నారు. అనిరుధ్ సంగీతం అందిస్తున్నాడు. ఎన్టీఆర్ బర్త్ డే సందర్భంగా విడుదల చేసిన మోషన్ పోస్టర్తో సినిమాపై అంచనాలు మరింత పెరిగాయి. దీంతో ఎప్పుడెప్పుడు షూటింగ్ స్టార్ట్ చేస్తారా అని ఎదురుచూస్తున్నారు ఫ్యాన్స్. అయితే షూటింగ్ మొదలవడానికి ముందే రిలీజ్డేట్ గురించి ఓ అప్డేట్ వినిపిస్తోంది. వచ్చే ఏడు మే నెలలో ఈ సినిమాను విడుదల చేయబోతున్నారట. అదికూడా ఎన్టీఆర్ బర్త్డే సందర్భంగా. అంటే ఫస్ట్లుక్ విడుదలైన మే 19నే సినిమాను కూడా రిలీజ్ చేయబోతున్నారు. అందుకు తగ్గట్టుగానే షూటింగ్ షెడ్యూల్స్ను ప్లాన్ చేస్తున్నట్టు తెలుస్తోంది. ఈ సినిమా తర్వాత ప్రశాంత్ నీల్ డైరెక్షన్లో నటించనున్నాడు ఎన్టీఆర్. వచ్చే ఏడు ఏప్రిల్లో సెట్స్పైకి వెళ్లనుంది. మే లో ఫస్ట్ లుక్ రానుంది. మొత్తానికి నెక్స్ట్ ఇయర్ తన బర్త్డేకి రెండు చిత్రాలతో డబుల్ ట్రీట్ ఇవ్వనున్నాడు ఎన్టీఆర్.