పాట్నా రైల్వే స్టేషన్ లో వింత ఘటన జరిగింది. స్టేషన్ లో ప్లాట్‌ఫారమ్ నంబర్ 10లో ఏర్పాటుచేసిన యాడ్స్ టీవీ స్క్రీన్లపై ఆదివారం ఉదయం 9:30కు మూడు నిమిషాలపాటు అడల్ట్ ఫిల్మ్ ప్లే అయింది. దీంతో స్టేషన్ లోని వందలమంది ప్రయాణికులు ఒక్కసారిగా కంగుతిన్నారు. ప్రయాణికులు ఈ విషయాన్ని రైల్వే ప్రొటెక్షన్ ఫోర్స్ (ఆర్పీఎఫ్)రి ఫిర్యాదు చేశారు.
తర్వాత రైల్వే అధికారులు చర్యలు తీసుకొని దర్యాప్తు చేపట్టారు. టీవీ యాడ్స్ ప్రసారం చేస్తున్న దత్తా కమ్యూనికేషన్‌పై ఆర్పీఎఫ్.. ఎఫ్‌ఐఆర్ నమోదు చేశారు. ఈ ఏజెన్సీని రైల్వే బ్లాక్‌లిస్ట్‌లో పెట్టడంతో పాటు జరిమానా కూడా విధించింది. ఈ ఘటన జరగడానికి గల కారణాన్ని కనుక్కునే ప్రయత్నం చేసింది.
