హిట్ కాంబో రిపీట్స్

హిట్ కాంబో రిపీట్స్

హీరోగానే కాక నిర్మాతగానూ వరుస సినిమాలు చేస్తూ బిజీగా ఉన్నాడు సూర్య. తాజాగా ఆయన మరో కొత్త సినిమాకు కమిట్ అయినట్టు తెలుస్తోంది. కోర్డు రూమ్ డ్రామా ‘జై భీమ్‌‌‌‌‌‌‌‌’తో సూపర్‌‌‌‌‌‌‌‌‌‌‌‌‌‌‌‌ హిట్‌‌‌‌‌‌‌‌ను అందుకున్న సూర్య, ఆ చిత్ర దర్శకుడు టి.జె.జ్ఞానవేల్‌‌‌‌‌‌‌‌తో మరో సినిమా చేయబోతున్నాడు. ఇటీవల ఓ కార్యక్రమంలో సూర్య ఈ విషయాన్ని కన్‌‌‌‌‌‌‌‌ఫర్మ్ చేశాడు. ప్రస్తుతం బాల దర్శకత్వంలో నటిస్తున్నాడు సూర్య. తన కెరీర్‌‌‌‌‌‌‌‌‌‌‌‌‌‌‌‌లో ఇది 41వ చిత్రం. కొన్ని వారాల క్రితం కన్యాకుమారిలో ఈ మూవీ ఫస్ట్ షెడ్యూల్ పూర్తయింది. నెక్స్ట్ షెడ్యూల్‌‌‌‌‌‌‌‌ను త్వరలో గోవాలో షూట్ చేయనున్నారు. ఈ సినిమా తర్వాత వెట్రిమారన్‌‌‌‌‌‌‌‌ డైరెక్ట్ చేయబోయే ‘వాడివాసల్‌‌‌‌‌‌‌‌’ చిత్రంలో నటించాల్సి ఉంది. అయితే విజయ్ సేతుపతితో వెట్రిమారన్ తీస్తున్న ‘విడుదలై’ షూటింగ్ ఇంకా పూర్తికాలేదు. ఆ తర్వాత ప్రమోషన్, రిలీజ్‌‌‌‌‌‌‌‌కు టైమ్ పడుతుంది. దీంతో బాల సినిమా పూర్తవగానే జ్ఞానవేల్‌‌‌‌‌‌‌‌ సినిమాని పట్టాలెక్కించాలని ప్లాన్ చేస్తున్నాడట సూర్య. ఇక జూన్ 3న విడుదలవుతున్న కమల్ హాసన్ సినిమా ‘విక్రమ్‌‌‌‌‌‌‌‌’లో గెస్ట్‌‌‌‌‌‌‌‌ రోల్‌‌‌‌‌‌‌‌లో కనిపించబోతున్నాడు సూర్య.