యాదాద్రిలో హరే రామ హరే కృష్ణ ఆశ్రమాన్ని అధికారులు కూల్చివేశారు. రాత్రికిరాత్రే ఆశ్రమాన్ని తొలగించారు. కొండ చుట్టూ వేస్తున్న రీజనల్ రింగ్ రోడ్డుకు అడ్డు వస్తుండడంతో ఆశ్రమాన్ని తొలగించాలని గతంలోనే నిర్ణయించారు. దానికిగాను కోటిన్నర రూపాయల పరిహారం అప్పట్లోనే చెల్లించింది ప్రభుత్వం . అయినా ఆశ్రమాన్ని నిర్వాహకులు తొలగించకపోవడంతో RDO వెంకటేశ్వర్లు ఆధ్వర్యంలో రాత్రి సమయంలో కూల్చివేత ప్రారంభించారు. తెల్లారేసరికి ఆశ్రమాన్ని నేలమట్టం చేశారు. ఎవరైనా అడ్డుకుంటారనే ఉద్దేశంతో టైట్ సెక్యూరిటీ ఏర్పాటు చేశారు.
