హైదరాబాద్, వెలుగు: ఆయిల్ పామ్ గెలలకు మాత్రమే ధర లభిస్తుండటంతో గింజల నుంచి తయారయ్యే కెర్నల్ ఆయిల్ ఆదాయంలోనూ రైతులకు వాటా కల్పించాలని ప్రభుత్వం నిర్ణయించింది. ఈ మేరకు శుక్రవారం కేంద్ర ప్రభుత్వం అనుమతి కోరుతూ ఆయిల్ ఫెడ్ లెటర్ రాయనుంది.
ప్రస్తుతం ఆయిల్‌‌‌‌‌‌‌‌పామ్ తాజా గెలల ధర టన్నుకు రూ.19,681గా ఉంటే, గెలలను క్రష్ చేసి వచ్చే పామ్ గింజల ధర టన్నుకు రూ.32 వేలు పలుకుతున్నది. ఈ గింజల నుంచి తీసిన కెర్నల్ ఆయిల్ కు మార్కెట్‌‌‌‌‌‌‌‌లో టన్నుకు రూ.2.10 లక్షల వరకు ధర లభిస్తున్నది.
ఈ అధిక లాభదాయకమైన కెర్నల్ ఆయిల్ ఉత్పత్తి ఆదాయంలో రైతులకు వాటా ఇవ్వాలని గత కొన్నేండ్లుగా ఆయిల్‌‌‌‌‌‌‌‌పామ్ రైతు సంఘాలు డిమాండ్ చేస్తున్నాయి. ఈ డిమాండ్‌‌‌‌‌‌‌‌కు ఆయిల్ ఫెడ్ సానుకూలంగా స్పందించింది. హైదరాబాద్‌‌‌‌‌‌‌‌లో ఇటీవల జరిగిన ఓఈఆర్ఎస్ నిర్ణయ సమావేశంలో కేంద్రానికి లెటర్ రాయాలని, విషయాన్ని అధ్యయనం చేయించాలని ఆయిల్ ఫెడ్ తీర్మానించింది.
