ముంబై: ఎలక్ట్రిక్ వాహనాల తయారీ సంస్థ ఓలా ఎలక్ట్రిక్ ఇనీషియల్ పబ్లిక్ ఆఫర్‌‌‌‌ల (ఐపిఓ) ద్వారా నిధులను సేకరించేందుకు సెబీ నుంచి అనుమతి పొందింది. ఐపీఓలో రూ.5,500 కోట్ల తాజా ఇష్యూ రూ.1,750 కోట్ల విలువైన ఆఫర్ ఫర్ సేల్ (ఓఎఫ్ఎస్) మొత్తం రూ.7,250 కోట్లు ఉన్నాయి. ఓఎఫ్ఎస్ లో, ప్రస్తుత వాటాదారులు 95.19 మిలియన్ల షేర్లను విక్రయించాలని భావిస్తున్నారు.
ఓలా ఎలక్ట్రిక్ ఫౌండర్ భవీష్ అగర్వాల్ 4.73 కోట్ల షేర్లను అమ్ముతారు. గత డిసెంబర్ 22న, ఓలా ఎలక్ట్రిక్ తన డ్రాఫ్ట్ రెడ్ హెర్రింగ్ ప్రాస్పెక్టస్ను సెబీకి సమర్పించింది. ఇది తాజా ఇష్యూ 95.2 మిలియన్ షేర్ల ఆఫర్ ఫర్ సేల్ (ఓఎఫ్ఎస్) కాంపోనెంట్ ద్వారా రూ.5,500 కోట్ల వరకు సమీకరించాలని ప్రతిపాదించింది. సంస్థ రూ.1,100 కోట్ల విలువైన షేర్ల రీ-ఐపిఓ ప్లేస్‌‌‌‌మెంట్‌‌‌‌ను పరిశీలిస్తోంది. ఇది కొనసాగితే, తాజా ఇష్యూ పరిమాణం తదనుగుణంగా తగ్గుతుంది. ఐపీఓ నిధులను మూలధన వ్యయాలు, రుణ చెల్లింపులు, పరిశోధన అభివృద్ధి కోసం ఉపయోగించాలని యోచిస్తోంది.
