- స్టాన్ఫోర్డ్ యూనివర్సిటీ ప్రచురణ జాబితాలో చోటు
ఓయూ, వెలుగు : కాలిఫోర్నియాలోని స్టాన్ ఫోర్డ్ యూనివర్సిటీ ప్రచురించిన ప్రపంచ ప్రముఖ శాస్త్రవేత్తల జాబితాలో ఉస్మానియా యూనివర్సిటీ ప్రొఫెసర్కు చోటు దక్కింది. ఓయూలోని జెనెటిక్స్ డిపార్ట్ మెంట్లో అసిస్టెంట్ ప్రొఫెసర్ పీబీ కవి కిశోర్కు ఈ గుర్తింపు లభించింది. సైటేషన్ కౌంట్, హెచ్ ఇండెక్స్, ఐటెన్ ఇండెక్స్ సహా 44 పరిశోధనా అంశాల ఆధారంగా ప్రపంచంలోని శాస్త్రవేత్తల్లో టాప్ 2 శాతం జాబితాను స్టాన్ఫోర్డ్ యూనివర్సిటీ విడుదల చేసింది.
జెనెటిక్స్ రంగంలో పరిశోధనలకుగాను కిశోర్కు గుర్తింపు లభించినందుకు వర్సిటీకి గర్వకారణమని పలువురు ప్రొఫెసర్లు హర్షం వ్యక్తం చేశారు. రవికిశోర్ మరింత ఉన్నత స్థాయికి చేరుకోవాలని వీసీ ప్రొఫెసర్ రవీందర్ఆకాంక్షించారు. గతంలోనూ కవి కిశోర్ జాతీయ, అంతర్జాతీయ స్థాయిలో అనేక అవార్డులను దక్కించుకున్నారు. ఓయూ నుంచి దాదాపు 300కు పైగా పరిశోధనా పత్రాలను ప్రచురించారు.
