నస్పూర్, వెలుగు: మంచిర్యాల కార్పొరేషన్ లో పనిచేస్తున్న ఔట్ సోర్సింగ్ కార్మికుల సమస్యలు వెంటనే పరిష్కరించి జీతాలు చెల్లించాలని యూనియన్ నాయకులు డిమాండ్చేశారు. మంగళవారం కాంట్రాక్ట్ వర్కర్స్ యూనియన్ ఆధ్వర్యంలో కలెక్టర్ కుమార్ దీపక్కు వినతి పత్రం అందించి మాట్లాడారు. ఔట్ సోర్సింగ్ కాంట్రాక్ట్ కార్మికులకు జీతాలు రాకపోవడంతో చాలా ఇబ్బందులు పడుతున్నారని, ఇంటి అద్దెలు చెల్లించలేని పరిస్థితిలో ఉన్నారని ఆవేదన వ్యక్తం చేశారు.
చాలీచాలని జీతాలను కూడా టైమ్కు ఇవ్వకపోతే ఎలా అని ప్రశ్నించారు. వెంటనే స్పందించి జీతాలు చెల్లించేలా చూడాలన్నారు. మున్సిపల్ కాంట్రాక్ట్ కార్మిక సంఘం వర్కింగ్ ప్రసిడెంట్ సోహెల్ ఖాన్, నాయకులు అవునూరి లింగయ్, బూడిద సాగర్, లింగయ్య, బాపు, మల్లయ్య, మొగిలి తదితరులు పాల్గొన్నారు.
