న్యూఢిల్లీ: దేశ రాజధాని ఢిల్లీలో 2017 తర్వాత మరోసారి మెట్రో రైలు ఛార్జీలు పెరిగాయి. ఎనిమిదేళ్ల తర్వాత ఢిల్లీలో మెట్రో రైలు ఛార్జీలు పెంచడం గమనార్హం. ఆగస్ట్ 25 (సోమవారం) నుంచి ఢిల్లీ మెట్రో రైళ్లలో పెంచిన టికెట్ ధరలు అమల్లోకి వస్తాయని ఢిల్లీ మెట్రో రైల్ కార్పొరేషన్ ‘ఎక్స్’లో ట్వీట్ చేసింది. దూరాన్ని బట్టి ఒక రూపాయి నుంచి నాలుగు రూపాయల వరకూ మెట్రో రైలు ఛార్జీలను ఢిల్లీ మెట్రో పెంచింది.
0-2 కిలోమీటర్ల వరకూ నిన్నటి దాకా 10 రూపాయలు ఉండగా, ఇకపై 11 రూపాయలు, 2-5 కిలోమీటర్లకు 20 రూపాయలు ఉండగా 21 రూపాయలు, 5-12 కిలోమీటర్లకు ఇన్నాళ్లూ 30 రూపాయలు ఉండగా ఇకపై 32 రూపాయలు, 12-21 కిలోమీటర్లకు 40 రూపాయలు ఉండగా 43 రూపాయలకు, 21-32 కిలోమీటర్లకు 50 రూపాయల నుంచి 54 రూపాయలు, 32 కిలోమీటర్లకు మించి దూరం ఉంటే 60 నుంచి 64 రూపాయలకు ఢిల్లీ మెట్రో రైల్ టికెట్ ఛార్జీలను పెంచారు.
The passenger fares of the Delhi Metro services have been revised with effect from today, that is, 25th August 2025 (Monday) onwards. The increase is minimal, ranging from ₹ 1 to ₹ 4 only depending on the distance of travel (upto ₹5 for the Airport Express Line). The new fare… pic.twitter.com/gOgOGmebxz
— Delhi Metro Rail Corporation (@OfficialDMRC) August 25, 2025
ఒక్కముక్కలో చెప్పాలంటే.. ఢిల్లీలో మెట్రో రైలు టికెట్ ధరలు పెంచాక మినిమమ్ ఛార్జ్ 11 రూపాయలు, అత్యధిక ఛార్జీ 64 రూపాయలు. అయితే.. స్మార్ట్ కార్డ్స్తో ఢిల్లీ మెట్రోలో ప్రయాణం చేసే వారికి టికెట్ రేట్ల పెంపుతో సంబంధం లేకుండా గతంలో మాదిరిగానే 10 శాతం డిస్కౌంట్ లభిస్తుందని ఢిల్లీ మెట్రో స్పష్టం చేసింది. ఢిల్లీలో ఎయిర్పోర్ట్ ఎక్స్ప్రెస్ లైన్లో ప్రయాణం చేసేవారికి 5 రూపాయల దాకా టికెట్ ధరపై పెంపు ఉంటుందని ఢిల్లీ మెట్రో తెలిపింది. హైదరాబాద్ మెట్రోలో హయ్యెస్ట్ ఛార్జీ 69 రూపాయలు కావడం గమనార్హం.
Also read:-కొంపముంచిన మస్క్ గ్రోక్ చాట్బాట్.. గూగుల్లో 3 లక్షల 70 వేల మంది చాట్ లీక్..!
హైదరాబాద్ మెట్రో రైలు ధరల వివరాలు:
* రెండు కిలోమీటర్ల వరకు 11 రూపాయలు
* 2 నుంచి 4 కిలోమీటర్ల వరకు 17 రూపాయలు
* 4 నుంచి 6 కిలోమీటర్ల వరకు 28 రూపాయలు
* 6 నుంచి 9 కిలోమీటర్ల వరకు 37 రూపాయలు
* 9 నుంచి 12 కిలోమీటర్ల వరకు 47 రూపాయలు
* 12 నుంచి 15 కిలోమీటర్ల వరకు 51 రూపాయలు
* 15నుంచి 18 కిలోమీటర్ల వరకు 56 రూపాయలు
* 18నుంచి 21 కిలోమీటర్ల వరకు 61 రూపాయలు
* 21 నుంచి 24 కిలోమీటర్ల వరకు 65 రూపాయలు
* 24 నుంచి ఆపై కిలోమీటర్ల కు 69 రూపాయలు
