తెలంగాణ పీజీఈసెట్ ఫలితాలు విడుదలయ్యాయి. గురువారం (జూన్26) జవహర్ లాల్ నెహ్రూ యూనివర్సిటీ, తెలంగాణ హయ్యర్ ఎడ్యుకేషన్ అధికారులు పీజీఈసెల్ ఫలితాలను విడుదల చేశారు. పీజీఈసెట్ అధికారిక వెబ్‌సైట్‌ ద్వారా ర్యాంక్ కార్డును డౌన్‌లోడ్ చేసుకోవచ్చు.
తెలంగాణ పీజీఈసెట్ (TS PGECET) 2025 ఫలితాలను జవహర్‌లాల్ నెహ్రూ టెక్నలాజికల్ యూనివర్సిటీ హైదరాబాద్ (JNTUH) ఆధ్వర్యంలో తెలంగాణ స్టేట్ కౌన్సిల్ ఆఫ్ హయ్యర్ ఎడ్యుకేషన్ (TSCHE) ఈ ఫలితాలను గురువారం సాయంత్రం 3:30 గంటలకు విడుదల చేసింది.
పీజీఈసెట్ అధికారిక వెబ్‌సైట్‌ pgecet.tgche.ac.in లేదా pgecet.tsche.ac.in ద్వారా TS PGECET 2025 ర్యాంక్ కార్డును డౌన్‌లోడ్ చేసుకోవచ్చు. హోమ్‌పేజీలో Download rank card, TG PGECET 2025 Results లింక్‌పై క్లిక్ చేసి ర్యాంక్ కార్డు పొందవచ్చు. ర్యాంకు కార్డును PDF ఫైల్‌గా డౌన్‌లోడ్ చేసుకొని భవిష్యత్ అవసరాల కోసం ఒక ప్రింటౌట్ తీసుకోవాలి. మీరు మీ ఫలితాలను manabadi.co.in లేదా sakshieducation.com వంటి ఇతర విద్యా పోర్టల్స్‌లో కూడా చెక్ చేసుకోవచ్చు.
తెలంగాణ పీజీఈసెట్ పరీక్షను జూన్ 16నుంచి 19 వరకు మూడు రోజుల పాటు నిర్వహించారు. PGECET లో అర్హత సాధించిన అభ్యర్థులు ME, M.Tech, M.Pharm కోర్సుల్లో ప్రవేశం పొందేందుకు కౌన్సిలింగ్ ప్రక్రియలో పాల్గొనాల్సి ఉంటుంది. కౌన్సిలింగ్ వివరాలు త్వరలో అధికారిక వెబ్‌సైట్‌లో అందుబాటులో ఉంటాయి.
