పల్లిపట్టి సూపర్ ఉంది.. చూస్తేనే నోరూరిపోతోంది.. లాగించేద్దాం అనుకుంటున్నారా? అలా చేశారనుకోండి.. మాడిపోతారు. మసైపోతారు. ఫస్ట్ అసలు దాన్ని పట్టుకో లేరు కూడా! ఎందుకంటే.. అది సూర్యుడు మరి. హవాయిలోని ఇనూయి సోలార్ టెలిస్కోప్ భగభగమండే సూర్యుడిని క్లిక్ మనిపించింది. సూర్యుడిని కప్పేసిన హాట్ హాట్ ప్లాస్మా పొరలట ఇవి. టెలిస్కోపు క్లిక్
మనిపించిన ఈ ఫొటోలను అమెరికాలోని నేషనల్ సైన్స్ ఫౌండేషన్ (ఎన్ ఎస్ ఎఫ్ ) స్టడీ చేసింది. సూర్యుడిని పూర్తిగా అర్థం చేసుకోవడానికి, భూమిపై దాని ప్రభావం ఏంటో తెలుసుకోవడానికి ఈ ఫొటోలు హెల్ప్ చేస్తాయని సైంటిస్టులు అంటున్నారు. ఆ ఇనూయి టెలిస్కోపును ఎన్ ఎస్ ఎఫ్ ఆపరేట్ చేస్తోంది.
సూర్యుడి కరోనాలోని అయస్కాంత క్షేత్రాలను ఆ టెలిస్కోపు ఈజీగా మ్యాప్ చేయగలుగుతుందని చెబుతున్నారు. అంతేగాకుండా స్పేస్ వెదర్ ఎలా ఉంటుందో తెలుసుకునేందుకు ఇనూయి ఉపయోగపడుతుందని, తద్వారా సౌర తుఫాన్లను మరింత బాగా అంచనా వేయడానికి వీలవుతుందని అంటున్నారు. ఆ ఫొటోలను, వీడియోలను ఎన్ ఎస్ ఎఫ్ రిలీజ్ చేయడంతో నెటిజన్లు.. అచ్చం ఇండియన్ పల్లిపట్టిలా ఉందని జోకులు పేలుస్తున్నారు. సూర్యుడి ఫొటోలకు పల్లిపట్టిలను జత చేసి ట్విట్టర్ లో షేర్ చేస్తున్నారు.
