- అందులో సినిమాలు ఎలా చూడాల్నో రీల్స్ ద్వారా సూచనలు
- ఆ వెబ్ సైట్నూ తొలగించిన పోలీసులు
హైదరాబాద్ సిటీ, వెలుగు: పైరసీ సినిమా సైట్లు రోజుకో రూపంలో కనిపిస్తున్నాయి. గత వారం ఐబొమ్మ వెబ్సైట్ నిర్వాహకుడు ఇమ్మడి రవి అరెస్ట్ సంచనలం సృష్టించడంతో ఇప్పుడు చర్చ అంతా పైరసీ వెబ్సైట్ల చుట్టూనే తిరుగుతోంది. ఐబొమ్మ, బప్పం సైట్లు బ్లాక్ అయినా.. ఆ పేర్లతో వివిధ రకాల వెబ్సైట్లు కనిపిస్తూనే ఉన్నాయి.
తాజాగా మరో షాకింగ్విషయం బయటకొచ్చింది. సినిమాలను డైరెక్ట్ పైరసీ సైట్లలో ప్లే చేయకుండా.. ఇతర కంపెనీల పేర్లతో వెబ్పేజీలు సృష్టించి అందులో ప్లే చేయడం ఆశ్చర్యానికి గురి చేస్తోంది. రెండ్రోజులుగా పైరసీ సినిమాలు ఎస్బీఐ ఇన్సూరెన్స్ పోర్టల్లో ప్లే కావడం కలకలం రేపుతోంది.
ఐబొమ్మ ఇప్పుడు హాట్టాపిక్ కావడంతో తెలియని వారు కూడా ఐబొమ్మ కోసం సెర్చ్ చేస్తున్నారు. అలాంటి వాళ్లందరికీ బప్పం సైట్పేరుతో మరో వెబ్సైట్ కనిపిస్తోంది. అందులోకి వెళ్తే దాంట్లో మూవీ థంబ్ నెయిల్ కింద మూవీ ఐడీ ఉంటుంది. దాన్ని కాపీ చేసి ఎస్బీఐ లైఫ్ ఇన్సూరెన్స్ పేరుతో ఉన్న డమ్మీ వెబ్సైట్లోకి వెళ్లి అందులో పేస్ట్ చేస్తే అక్కడ మూవీ ప్లే అయ్యేలా సెట్ చేశారు.
ఇన్ స్టా, ఫేస్ బుక్ రీల్స్లోనూ..
ఎస్బీఐ టర్మ్ ల్యాప్స్ లో సినిమాలు వస్తుండడం గురించి ఇన్స్టాతో పాటు ఫేస్బుక్లో రీల్స్ ప్లే అయ్యాయి. దీంతో అందులో వారు చెప్పినట్టు ఫాలో అవుతూ జనం సినిమాలు చూడడం మొదలుపెట్టారు.
ఒక రీల్లో ‘ఐబొమ్మ రవి అరెస్టుతో ఐబొమ్మ, బప్పం మొత్తం క్లోజ్అయ్యిందనుకుంటున్నరు.. కానీ.. క్లోజ్ కాలే.. మూవీ లింక్లు ఏడ పెట్టిందో తెల్సా.. ఎస్బీఐ ఇన్సూరెన్స్ అని ఒక పోర్టల్ క్రియేట్చేసి అందులో పెట్టిండు.. ఏదైనా ఒక బ్రౌజర్ ఓపెన్చేసి అందులో బప్పం సైట్అని సెర్చ్ చేయండి.
సైట్ఓపెన్అయిన తర్వాత అందులో మీకు ఇష్టమైన సినిమాను క్లిక్చేసి కింద కాపీ మూవీ ఐడీ అని ఉంటది.. దాన్ని కాపీ చేసి తర్వాత ఇంకో కొత్త ట్యాబ్ ఓపెన్ చేసి అక్కడ ఎస్బీఐ టర్మ్ ల్యాప్స్అని సెర్చ్ చేయండి.
ఫస్ట్ వచ్చిన లింక్ను ఓపెన్చేసి కిందకు స్క్రోల్ చేయండి.. లాస్ట్కు వచ్చిన తర్వాత పేస్ట్ హియర్ అని ఉన్న చోట కాపీ చేసిన లింక్ను ఎంటర్ చేసి వాచ్ అని క్లిక్ చేస్తే సినిమా అక్కడ ప్లే అవుతుంది’ అంటూ సీక్రెట్స్ రివీ ల్చేశారు. ఈ విషయం పోలీసులకు తెలియడంతో ఆ వెబ్ సైట్ను డౌన్ చేయించారు. దీంతో సినిమాలు ఆగిపోయాయి.
