న్యూఢిల్లీ: స్పేస్ టెక్ స్టార్టప్ పిక్సల్ రూపొందించిన మూడో హైపర్ స్పెక్ట్రల్ శాటిలైట్ ఆనంద్ శనివారం నింగిలోకి దూసుకుపోనుంది. ఈ శాటిలైట్ను శ్రీహరికోటలోని స్పేస్పోర్ట్ నుంచి పోలార్ శాటిలైట్ లాంచ్ వెహికల్ (పీఎస్ఎల్వీ) రాకెట్ మోసుకుపోనుంది. ఆనంద్ అనేది కేవలం 15 కిలోల బరువు ఉండే మైక్రో శాటిలైట్. ప్రస్తుతం వాడుకలో ఉన్న నాన్ హైపర్ స్పెక్టికల్ శాటిలైట్లు తీసే వాటి కంటే ఎక్కువ క్వాలిటీతో మన భూమి ఫొటోలను తీయగలదు.
ఆనంద్ శాటిలైట్ తీసే ఫొటోలు అడవిలో కార్చిచ్చులను గుర్తించడం, నేల ఒత్తిడి, చమురు తెప్పలను గుర్తించడం వంటి ఇతర విషయాలను తెలుసుకోవడానికి ఉపయోగపడతాయని పిక్సెల్ వెల్లడించింది. ఇప్పటికే ఈ ప్రయోగానికి 18 నెలల ఆలస్యం జరిగిందని, తమ టీమ్ రెండేండ్లకుపైగా కష్టపడిందని పిక్సల్ సీఈవో, ఫౌండర్ అవైస్ అహ్మద్పేర్కొన్నారు.
