వనపర్తి జిల్లా కల్వకుర్తి వద్ద బీజేపీ నేత డీకే అరుణను అరెస్ట్ చేశారు పోలీసులు. కల్వకుర్తి లిఫ్ట్ ఇరిగేషన్ ప్రాజెక్టును పరిశీలించేందుకు వెళ్లిన ఆమెను అదుపులోకి తీసుకున్నారు. దీంతో పోలీసులు, బీజేపీ శ్రేణుల మధ్య వాగ్వాదం జరిగింది. పరిస్థితి ఉద్రిక్తంగా మారడంతో పలువురు బీజేపీ నేతలను అదుపులోకి తీసుకున్నారు. ఇప్పటికే కాంగ్రెస్ నేతలు రేవంత్ రెడ్డి, ఏఐ సీసీ కార్యదర్శి సంపత్, మాజీ ఎంపీ మల్లు రవిని కూడా పోలీసులు అదుపులోకి తీసుకున్నారు. వారిని ఉప్పునుంతల పోలీస్ స్టేషన్ కు తరలించారు. ఉప్పునుంతల పోలీస్ స్టేషన్ వద్దకు పెద్ద ఎత్తున కాంగ్రెస్ కార్యకర్తలు తరలి వచ్చారు. పోలీసులు అరెస్టు చేసిన సమయంలో ఎంపీ రేవంత్ రెడ్డి కాలికి గాయాలయ్యాయి. సర్జిపూర్ గోడ కూలడంతో కల్వకుర్తి ఎత్తిపోతల పథకానికి చెందిన ఐదు మోటార్లు నీటముగినిపోయాయి. దీంతో ఘటనాస్థలిని పరిశీలించేందుకు విపక్షనేతలు ప్రయత్నించారు.
