- 1900 లీటర్ల బెల్లం పానకం ధ్వంసం
- 15 లీటర్ల నాటుసారా స్వాధీనం
బెల్లంపల్లి రూరల్, వెలుగు: నెన్నెల మండలంలోని చిన్న, పెద్దలంబాడి తండాల శివారులో నడుపుతున్న గుడుంబా స్థావరాలపై శుక్రవారం చెన్నూర్ఎక్సైజ్, నెన్నెల పోలీసులు దాడులు నిర్వహించారు. మామిడి తోటల్లో డ్రమ్ములలో పాతిపెట్టిన 1900 లీటర్ల బెల్లం పానకాన్ని ధ్వంసం చేశారు. 15 లీటర్ల నాటు సారాను స్వాధీనం చేసుకొని చిన్నతండాకు చెందిన తయారీదారులు ధరావత్తిరుమల్, ధరావత్ దేవేందర్పై కేసులు నమోదు చేసినట్లు చెన్నూర్ఎక్సైజ్ సీఐ హరి చెప్పారు. గుడుంబా తయారు చేసినా, అమ్మినా కేసులు నమోదు చేస్తామన్నారు. ఈ దాడుల్లో ఎన్ఫోర్స్మెంట్ఆదిలాబాద్ సీఐ గంగారెడ్డి, మంచిర్యాల టాస్క్ఫోర్స్ సీఐ సమ్మయ్య, బెల్లంపల్లి రూరల్ సీఐ అఫ్జలోద్దీన్, నెన్నెల ఎస్ఐ ప్రసాద్, మంచిర్యాల, బెల్లంపల్లి, లక్సెట్టిపేట, చెన్నూర్ ఎక్సైజ్ పోలీసులు పాల్గొన్నారు.
