కారు డ్రైవర్ నిర్లక్ష్యం బైక్పై వస్తున్న వారికి శాపంగా మారింది. ఒక్కసారిగా కారు డోర్ తెరవడంతో బైక్ వస్తున్న వ్యక్తులు ప్రమాదానికి గురయ్యారు. బెంగళూరు ఈస్ట్ డివిజన్ ట్రాఫిక్ డీసీపీ కళా కృష్ణస్వామి ఈ వీడియోను షేర్ చేశారు. ఈ వీడియోలో డ్రైవర్ కారును రోడ్డుపై ఆపి డోర్ ఓపెన్ చేస్తాడు.. ఆ కారు పక్కగా వెళ్తున్న బైక్ కు ఈ డోర్ తగలడంతో అదుపుతప్పి ఎదురుగా వస్తున్న లారీని ఢీకొట్టింది. దీంతో బైక్ మీదున్న ఇద్దరు వ్యక్తులకు గాయాలయ్యాయి.
ఈ ఘటన 2017లో జరగ్గా..రోడ్డు ప్రమాదాల నేపథ్యంలో వాహనదారులను హెచ్చరించేందుకు డీసీపీ కళా కృష్ణస్వామి ఈ వీడియోను పోస్ట్ చేశారు. ‘‘దయచేసి మీరు మీ వాహనం డోర్ తెరిచినప్పుడు అప్రమత్తంగా ఉండండి. ప్రాణాంతక ప్రమాదాలను నివారించండి’’ అని క్యాప్షన్ పెట్టారు. ప్రస్తుతం ఈ వీడియో సోషల్మీడియాలో వైరల్గా మారింది.
