- చితకబాదిన కుటుంబసభ్యులు
- నిందితుడి పై పోక్సో కేసు
జీడిమెట్ల, వెలుగు: ఓ స్కూల్ బస్సు డ్రైవర్ నాలుగేళ్ల పాపతో అసభ్యకరంగా ప్రవర్తించిన ఘటన పేట్బషీరాబాద్ పోలీస్ స్టేషన్పరిధిలో చోటుచేసుకుంది. పోలీసులు తెలిపిన వివరాల ప్రకారం.. దూలపల్లిలోని విజ్జ్వల హైస్కూల్లో ఓ చిన్నారి(4) యూకేజీ చదువుతోంది. ఈ నెల 4న స్కూల్బస్సు డ్రైవర్శ్రీనివాస్పాపను ఇంటి నుంచి పాఠశాలకు తీసుకువచ్చాడు. మధ్యాహ్నం ఆ చిన్నారితో అసభ్యంగా ప్రవర్తించి, భయపెట్టాడు.
తర్వాత ఇంటికి వెళ్లిన పాప తిరిగి స్కూల్కు వెళ్లడానికి ఇష్టపడలేదు. తల్లిదండ్రులు ఏమైందని అడగడంతో అసలు విషయం బయటపడింది. దీంతో చిన్నారి తల్లిదండ్రులు తమ బంధువులతో కలిసి సోమవారం స్కూల్కు వెళ్లి ప్రిన్సిపాల్ను నిలదీశారు. డ్రైవర్ ను పిలిపించడంతో అతన్ని చితకబాదారు. పోలీసులకు సమాచారం ఇవ్వడంతో వచ్చి, నిందితుడిని అదుపులోకి తీసుకున్నారు. పోక్సో కేసు నమోదు చేసుకొని, దర్యాప్తు చేస్తున్నట్లు పేర్కొన్నారు.
