- ఎమ్మెల్సీ కోదండరాంకు టీజీసీటీఏ వినతి
హైదరాబాద్, వెలుగు: తెలంగాణ స్టేట్ హయ్యర్ ఎడ్యుకేషన్ కౌన్సిల్ సెక్రటరీ పోస్టును సర్కారు డిగ్రీ కాలేజీ ప్రిన్సిపల్తోనే భర్తీ చేయాలని తెలంగాణ గవర్నమెంట్ కాలేజీ టీచర్స్ అసోసియేషన్ (టీజీసీటీఏ) ప్రభుత్వాన్ని కోరింది. సోమవారం అసోసియేషన్ రాష్ట్ర అధ్యక్ష, ప్రధాన కార్యదర్శులు సంగి రమేశ్, డాక్టర్ బ్రిజేష్ నేతృత్వంలోని ప్రతినిధి బృందం ఎమ్మెల్సీ ప్రొఫెసర్ కోదండరాంను కలిసి వినతిపత్రం అందించారు.
కౌన్సిల్ చైర్మన్, వైస్ చైర్మన్ పోస్టులను సీనియర్ ప్రొఫెసర్లతో భర్తీ చేస్తున్నారని చెప్పారు. ఈ నేపథ్యంలో ఇటీవలే ఖాళీ అయిన కౌన్సిల్ సెక్రటరీ పోస్టును డిగ్రీ కాలేజీ ప్రిన్సిపల్ తో నింపాలని కోరారు. ప్రభుత్వంతో మాట్లాడి, సమస్య పరిష్కారానికి కృషి చేస్తానని వారికి ఆయన హామీనిచ్చారు.
