యాక్సిడెంట్ కారణంగా కొంత గ్యాప్ తీసుకున్న నభా నటేష్.. ప్రస్తుతం బ్యాక్ టు బ్యాక్ సినిమాలు చేస్తోంది. వాటిలో ప్రియదర్శికి జంటగా నటిస్తున్న చిత్రం ‘డార్లింగ్’. వై దిస్ కొలవెరి అనేది ట్యాగ్‌‌లైన్. అశ్విన్ రామ్ దర్శకత్వంలో తెరకెక్కుతోన్న ఈ మూవీ షూటింగ్ నిన్నటితో పూర్తయింది. ఈ విషయాన్ని సోషల్ మీడియాలో పోస్ట్ చేసిన నభా షూటింగ్ ఎక్స్‌‌పీరియెన్స్‌‌ను ఎంజాయ్ చేశానంది.
భార్యా భర్తల మధ్య వచ్చే చిన్న చిన్న గొడవల నేపథ్యంలో ఈ చిత్రాన్ని రూపొందిస్తున్నారు. ఇందులో నభా నటేష్ పాత్ర చాలా కొత్తగా ఉంటుందని, అందర్నీ ఆకట్టుకునే చిత్రమిది అని మేకర్స్ చెప్పారు. ‘హనుమాన్’ ఫేమ్ కె నిరంజన్ రెడ్డి ఈ చిత్రాన్ని నిర్మిస్తున్నారు. రీసెంట్‌‌గా రిలీజ్ చేసిన గ్లింప్స్ సినిమాపై ఆసక్తిని పెంచింది. అనన్య నాగళ్ల కీలక పాత్ర పోషిస్తున్న ఈ చిత్రానికి వివేక్ సాగర్ సంగీతం అందిస్తున్నాడు.
