ప్రియదర్శి హీరోగా, తెలంగాణ ఫోక్ సింగర్ నాగదుర్గ హీరోయిన్గా సుకుమార్ రైటింగ్స్, బన్నీవాస్ వర్క్స్ బ్యానర్లపై వంశీరెడ్డి దొండపాటి దర్శకత్వంలో రూపొందుతోన్న చిత్రం ‘ఇడుపు కాయితం’. డిసెంబర్లో సినిమా రిలీజ్కు ప్లాన్ చేస్తున్నారు. తాజాగా మ్యూజికల్ ప్రమోషన్స్ స్టార్ట్ చేసిన టీమ్.. ఈ చిత్రం నుంచి ‘శ్రీలత..’ సాంగ్ను విడుదల చేయగా, మంచి రెస్పాన్స్ దక్కించుకుంది. ఈ సందర్భంగా మ్యూజిక్ డైరెక్టర్ సురేష్ బొబ్బిలి మాట్లాడుతూ ‘ఈ పాటకు వస్తున్న రెస్పాన్స్ చాలా ఆనందాన్ని ఇస్తోంది.
తెలంగాణ ఫోక్ ఫ్లేవర్తో పాటు కమర్షియల్ టచ్ ఉండేలా పాటను రూపొందించాం. ఈ పాటలో నేను కూడా నటించడం కొత్త అనుభూతిని ఇచ్చింది’ అని చెప్పాడు. ఈ పాటకు లిరిక్స్ అందించిన రచయిత అలరాజు మాట్లాడుతూ ‘నేను ఇప్పటిదాకా దాదాపు 40 చిత్రాలకు సాంగ్స్ రాశాను.
కానీ ఈ పాట నాకు మంచి గుర్తింపును తెచ్చింది. సినిమాలో చూసినప్పుడు పాట మరింతగా ప్రేక్షకులకు కనెక్ట్ అవుతుంది. ‘ఇడుపుకాయితం’ గీత రచయితగా నా బతుకును మార్చిన కాగితం’ అని ఆనందం వ్యక్తం చేశాడు.
