భైంసా, వెలుగు: బాసర ట్రిపుల్ఐటీ స్టూడెంట్స్పై కేసీఆర్ఎందుకింత కక్ష సాధిస్తున్నారో అర్థం కావడం లేదని టీజేఎస్ చీఫ్ కోదండరామ్ ఫైరయ్యారు. శుక్రవారం ఆయన నిర్మల్ జిల్లా ముథోల్లో బాసర ట్రిపుల్ ఐటీ స్టూడెంట్ల సమస్యల పరిష్కారం కోసం ‘సమర దీక్ష’ చేశారు. ఈ సందర్భంగా ఆయన మాట్లాడుతూ.. సరైన భోజనం పెట్టకపోవడం, లెక్చరర్ నియామకంతోపాటు హాస్టల్లో సమస్యలపై మూడు నెలలుగా స్టూడెంట్స్ఆందోళనలు చేస్తుంటే కేసీఆర్ ఇటువైపు కన్నెత్తి చూడకపోవడం దారుణమన్నారు. కడుపునిండా సరైన భోజనం లేక హాస్టళ్లలో స్టూడెంట్స్అవస్థలు పడుతుంటే.. సీఎం మాత్రం ఇతర రాష్ట్రాలు తిరుగుతూ సహాయాలు చేస్తున్నారని విమర్శించారు. రాష్ట్రంలోని విద్యార్థులు, రైతులు కేసీఆర్కంటికి కన్పించడం లేదన్నారు. ఎనిమిదేండ్లుగా వర్సిటీలో రెగ్యులర్ వీసీని నియమించకపోవడం ఏంటని ప్రశ్నించారు. చాలా రాష్ట్రాలు ఆదాయంలో 15 శాతాన్ని చదువులకు కేటాయిస్తుంటే మన సర్కారు మాత్రం ఆరు శాతమే కేటాయిస్తోందని విమర్శించారు. బాసర ట్రిపుల్ఐటీలో టీఆర్ఎస్ అనుకూల వ్యక్తులకు కాంట్రాక్టులు ఇవ్వడంతోనే సమస్యలు పెరిగాయన్నారు. సమస్యలు తెలుసుకునేందుకు వెళ్లే వాళ్లను క్యాంపస్లోకి రానివ్వకుండా అరెస్టు చేయడం సరికాదన్నారు. కేసీఆర్ వెంటనే విద్య, వైద్యం, వ్యవసాయం, ఉపాధిపై దృష్టి పెట్టాలని డిమాండ్ చేశారు.
ఇన్సూరెన్స్ డబ్బులు ఎక్కడికి పోయాయి?
ట్రిపుల్ ఐటీ స్టూడెంట్స్ నుంచి వసూలు చేసిన ఇన్సూరెన్స్ ప్రీమియం డబ్బులను ఆయా కంపెనీలకు చెల్లించాలని కోదండరామ్ డిమాండ్ చేశారు. అధికారులు ఒక్కో స్టూడెంట్ నుంచి రూ.700 వసూలు చేశారని, ఆ డబ్బులు ఎటు వెళ్లాయని ప్రశ్నించారు. దీనిపై విచారణ జరిపించాలన్నారు. సర్కారు నిర్లక్ష్యం వల్లే ఇటీవల ఇబ్రహీంపట్నంలో కుటుంబ నియంత్రణ ఆపరేషన్లు చేయించుకున్న నలుగురు మహిళలు చనిపోయారన్నారు. సాయంత్రం 5 గంటలదాకా కొనసాగిన ఈ దీక్షలో నేతలు హరిగోపాల్, గంగాపురం వెంకట్రెడ్డి, విశ్వేశ్వరరావు, బైరి రమేష్, జిల్లా అధ్యక్షుడు విజయ్కుమార్ పాల్గొన్నారు.
