- ప్రొఫెసర్ వినోద్ కుమార్ డిమాండ్
ఓయూ, వెలుగు: ఏపీ విభజన చట్టం ప్రకారం సినిమా ఇండస్ట్రీని విభజించాలని తెలంగాణ టీవీ, ఫిల్మ్ డెవలప్మెంట్ జేఏసీ చైర్మన్ ప్రొఫెసర్ గాలి వినోద్కుమార్ డిమాండ్ చేశారు. ఆదివారం ఓయూలో జరిగిన సమావేశంలో ఆయన మాట్లాడారు. విభజన చట్టం ప్రకారం మన రాష్ట్రానికి రావాల్సిన వాటా దక్కట్లేదన్నారు. మూవీ ఆర్టిస్ట్స్ అసోసియేషన్(మా) ఎన్నికలప్పుడు అధ్యక్షుడిగా పోటీ చేసిన ప్రకాశ్ రాజ్ స్థానికేతరుడు అయినందునే ఓడిపోయారని, గెలిచిన మంచు విష్ణు కూడా ఏపీ రాష్ట్రానికి చెందినవారే కాబట్టి స్థానికేతరుడే అని అన్నారు. మా అసోసియేషన్ను రద్దు చేసి ‘మా’ ఆస్తుల్లోంచి 48% తెలంగాణ కళాకారులకు కేటాయించాలని డిమాండ్ చేశారు.
