- 112 పాయింట్లు పుంజుకున్న సెన్సెక్స్
ముంబై: హెచ్‌‌‌‌‌‌‌‌డీఎఫ్‌‌‌‌‌‌‌‌సీ బ్యాంక్, ఐసీఐసీఐ బ్యాంక్, టాటా కన్సల్టెన్సీ సర్వీసెస్‌‌‌‌‌‌‌‌లో అధిక కొనుగోళ్లతో సెన్సెక్స్, నిఫ్టీ సోమవారం నాటకీయంగా పుంజుకున్నాయి. ఫాగ్-ఎండ్ బయింగ్ వల్ల సెన్సెక్స్ 112 పాయింట్లు పెరిగి 72,776.13 వద్ద ముగిసింది. మొదట్లో ఇండెక్స్ దిగువన ప్రారంభమైంది. ఇంట్రాడే ట్రేడ్‌‌‌‌‌‌‌‌లో 798.46 పాయింట్లు క్షీణించి 71,866.01 కనిష్ట స్థాయికి చేరుకుంది.
ఎన్‌‌‌‌‌‌‌‌ఎస్‌‌‌‌‌‌‌‌ఈ నిఫ్టీ 48.85 పాయింట్లు పెరిగి 22,104.05 వద్దకు చేరుకుంది. సెన్సెక్స్ బాస్కెట్ నుంచి, ఏషియన్ పెయింట్స్, సన్ ఫార్మా, హెచ్‌‌‌‌‌‌‌‌డీఎఫ్‌‌‌‌‌‌‌‌సీ బ్యాంక్, టాటా కన్సల్టెన్సీ సర్వీసెస్, యాక్సిస్ బ్యాంక్, టాటా స్టీల్, జేఎస్‌‌‌‌‌‌‌‌డబ్ల్యు స్టీల్, లార్సెన్ అండ్ టూబ్రో, ఐసీఐసీఐ బ్యాంక్, పవర్ గ్రిడ్ లాభపడ్డాయి. మార్చి క్వార్టర్లో భారీ లాభం వచ్చినా టాటా మోటార్స్ 8 శాతానికి పైగా పడిపోయింది.
ఎన్టీపీసీ, భారతీ ఎయిర్‌‌‌‌‌‌‌‌టెల్, టైటాన్, ఎస్బీఐ, నెస్లే వెనుకబడ్డాయి. సూచీలలో, సేవలు 1.41 శాతం పెరగగా, రియల్టీ 1.32 శాతం, హెల్త్‌‌‌‌‌‌‌‌కేర్ 1.15 శాతం, ఇండస్ట్రియల్స్ 1.03 శాతం, కమోడిటీలు 0.79 శాతం, బ్యాంకెక్స్ 0.65 శాతం లాభపడ్డాయి. వినియోగదారుల విచక్షణ, టెలికం, యుటిలిటీస్ ఆటో వెనుకబడి ఉన్నాయి. ఆసియా మార్కెట్లలో, సియోల్, టోక్యో షాంఘై నష్టాలతో ముగియగా, హాంకాంగ్ సానుకూలంగా ముగిసింది.
