- బీజేపీ ఎమ్మెల్సీ చిన్న మైల్ అంజిరెడ్డి
హైదరాబాద్, వెలుగు: రాష్ట్రంలోని పదో తరగతి విద్యార్థులకు సాయంత్రం పూట స్నాక్స్ అందించాలని బీజేపీ ఎమ్మెల్సీ చిన్న మైల్ అంజిరెడ్డి డిమాండ్ చేశారు. ఈ మేరకు శుక్రవారం ఆయన ఒక ప్రకటన రిలీజ్ చేశారు. మార్చిలో జరిగే పబ్లిక్ పరీక్షల నేపథ్యంలో అన్ని స్కూళ్లలో ఉదయం, సాయంత్రం స్పెషల్ క్లాసులు నిర్వహిస్తున్నారని చెప్పారు.
విద్యార్థులు ఉదయమే ఇండ్ల నుంచి వస్తున్నారని, దీంతో వారంతా ఆకలితో ఇబ్బందులు పడుతున్నారని పేర్కొన్నారు. దీంతో చదువుపై దృష్టి పెట్టలేకపోతున్నారని వెల్లడించారు. ప్రభుత్వం వెంటనే స్పందించి, విద్యార్థుల స్నాక్స్ కోసం ప్రత్యేకంగా నిధులు కేటాయించాలని డిమాండ్ చేశారు. దీనికోసం విద్యాశాఖ ఉత్తర్వులివ్వాలని కోరారు.
