ఇంట్లో ప్రతి వస్తువుకు వాస్తు ఉంటుంది. దేవుడి పటాలు ఎక్కడ పెట్టాలి.. టేబుల్ పై పెట్టాలా.. కింద పెట్టుకోవచ్చా.. లేవగానే దేవుడి పటాలు చూడాలంటే ఎలా కాళ్లు ఏ దిక్కున పెట్టి పడుకోవాలి.. వాస్తు సిద్దాంతి కాశీనాథుని శ్రీనివాస్ సూచిస్తున్న సలహాలను ఒకసారి పరిశీలిద్దాం..
ప్రశ్న: మా ఇల్లు చిన్నగా ఉంటుంది. ఇంట్లో ఒకవైపు పూజ స్థలం పెట్టుకున్నం. ఒక పూజారి సూచన మేరకు టేబుల్ పై దేవుళ్లు పెట్టి పూజ చేస్తున్నాం. దేవుళ్ల చిత్రపటాలు పైన ఉండాలా? కింద ఉండాలా?
జవాబు: పూజగది పవిత్రమైంది. అందుకోసం ప్రత్యేకమైన స్థలం ఏర్పాటు చేసుకుంటే బెటర్. దేవుళ్ల చిత్రపటాలు కిందపెట్టి అటు, ఇటు తిరగడం మంచిది కాదు. కాబట్టి టేబుల్ పై పెట్టుకోవచ్చు. టేబులు సమాంతరంగా స్టూల్ పై కూర్చొని పూజలు కూడా చేసుకోవచ్చని వాస్తు కన్సల్టెంట్ కాశీనాథుని శ్రీనివాస్ సూచిస్తున్నారు. .
ప్రశ్న : నిద్ర లేవగానే దేవుడి చిత్రపటాలు చూడటం అలవాటు. అందుకని కాళ్లు దేవుడి గది వైపు పెట్టుకొని పడుకుంటా. అలా దేవుడి వైపు కాళ్లు పెట్టొద్దన్నారు బంధువులు. నిద్రపోయేటప్పుడు ఫేసింగ్ ఎటువైపు ఉండాలి?
జవాబు: దేవుడి ముఖం వైపు కాళ్లు పెట్టడం అంత మంచిది కాదు. దక్షిణం వైపు తల పెట్టుకొని, ఉత్తరం వైపు కాళ్లు పెట్టుకోవచ్చు. లేదంటే పడమర వైపు తల పెట్టుకొని, తూర్పు వైపు అయినా కాళ్ళు పెట్టుకోవచ్చని వాస్తు కన్సల్టెంట్ కాశీనాథుని శ్రీనివాస్ అంటున్నారు.
