క‌రోనా నేప‌థ్యంలో ప్ర‌జ‌లెవ‌రూ రోడ్ల‌పైకి రావొద్ద‌ని, మ‌హ‌మ్మారి బారిన ప‌డ‌కండ‌ని పోలీసులు ఎంత చెప్పినా.. కొంద‌రు మాత్రం మాట విన‌ట్లేదు. లాక్ డౌన్ నిబంధ‌న‌లు ఉల్లంఘిస్తూ.. పోలీసుల‌పైనే వ్య‌తిరేకంగా దారుణాల‌కి పాల్ప‌డుతున్నారు. పంజాబ్ లోని జలంధర్ లో ఇలాంటి ఓ ఘ‌ట‌న జ‌రిగింది. లాక్‌డౌన్‌ను అమలు చేసేందుకు విధులు నిర్వహిస్తోన్న పోలీసు అధికారిపై ఓ ఆక‌తాయి తన కారుతో గుద్ది కొద్ది దూరం వ‌ర‌కూ ఈడ్చుకెళ్లాడు. అది గ‌మ‌నించిన ఇతర పోలీసులు కారును వెం‌బ‌డించి ఆ ఆధికారిని ర‌క్షించారు.
జలంధర్ ప్రాంతంలోని మిల్క్‌బర్ చౌక్ వద్ద లాక్‌డౌన్‌ నిబంధనలను ఉల్లంఘించి కారులో ఓ యువకుడు రోడ్డుపైకొచ్చాడు. ఓ పోలీసు అధికారి అతని కారుకు అడ్డంగా నిలుచుని కారును ఆపాలని సూచించాడు. కానీ ఆ ఆక‌తాయి కారు ఆపకపోవడమే కాకుండా ఆయనపైకి కారును తీసుకెళ్లేందుకు ప్రయత్నించాడు. దీంతో కారు ముందు భాగంపై ఆ పోలీసు అధికారి ఎగిరిపడ్డాడు. అయినా కారును ఆపకుండా అలాగే కొన్ని మీటర్లు ముందుకు పోనిచ్చాడు. వెంటనే అక్కడున్న ఇతర పోలీసులు ఆ కారును వెంబడించారు. కొద్దిదూరం వెళ్లాక ఆ యువకుడు కారు ఆపాడు. ఆ యువకుడు కారు ఆపిన వెంటనే అతడిని కొడుతూ పోలీసు స్టేషన్‌కు తీసుకెళ్లారు. ఇందుకు సంబంధించిన దృశ్యాలు కెమెరాకు చిక్కాయి.ఇందుకు సంబంధించిన వీడియో సోష‌ల్ మీడియాలో వైర‌ల్ అవుతోంది. ఈ ఘటనపై కేసు నమోదు చేశామని, దర్యాప్తు చేస్తున్నామని జలంధర్ పోలీసు అధికారి సుర్జీత్ సింగ్ తెలిపారు.
#WATCH Punjab: A car driver drags a police officer on car's bonnet in Jalandhar, after the officer tried to stop the vehicle today, amid #COVID19 lockdown. pic.twitter.com/IZUuTHapsK
— ANI (@ANI) May 2, 2020
