భారత బ్యాడ్మింటన్ క్రీడాకారిణి పీవీ సింధు సింగపూర్ ఓపెన్‌లో ఓడిపోయింది. చిరకాల ప్రత్యర్థి కరోలినా మారిన్‌పై తన పరాజయాల పరంపర కొనసాగుతూనే ఉంది. గురువారం (మే 30) అత్యంత ఉత్కంఠ భరితంగా జరిగిన మ్యాచ్ లో 21-13 11-21 20-22 తేడాతో మారిన్ పై సింధు ఓడిపోయింది. దీంతో సింగపూర్ ఓపెన్ లో సింధు ప్రీ క్వార్టర్స్ తో సరిపెట్టుకోవాల్సి వచ్చింది.
తొలి సెట్ ను 21-13 తో ఈజీగానే గెలిచిన సింధు.. రెండో సెట్ లో ఆ జోరు చూపించలేకపోయింది. మారిన్ విజృంభించడంతో సెట్ 11-21 తో సెట్ ను కోల్పోయింది. చెరో సెట్ గెలిచిన తర్వాత నిర్ణయాత్మకమైన మూడో సెట్ లో ఇద్దరూ పోటాపోటీగా పోరాడారు. అయితే కీలక దశలో పుంజుకున్న సింధ్ 18-15 ఆధిక్యంలోకి వెళ్ళింది. అయితే ఈ దశలో మారిన్ ఒక్కసారిగా చెలరేగింది. వరుస పాయింట్లతో సెట్ ను 22-20తో ముగించింది.
మారిన్ చేతిలో సింధుకి వరుసగా ఇది ఆరో ఓటమి. కాగా.. ఆదివారం (మే 26) జరిగిన మలేషియా మాస్టర్స్ ఫైనల్లో చైనాకు చెందిన వాంగ్ జి యి చేతిలో 21-16, 5-21, 16-21 తేడాతో సింధు పరాజయం పాలైంది. దీంతో రెండుసార్లు ఒలింపిక్ పతక విజేత రన్నరప్‌తో సరిపెట్టుకుంది.
6️⃣ years and it continues.
— The Bridge (@the_bridge_in) May 30, 2024
After staging a close show PV Sindhu lost to Spaniard 🇪🇸 Carolina Marin in R16 of #SingaporeOpen. The scoreboard tells the tale that the long awaited victory was almost within the grasp. 🤌
📜21-13,11-21,20-22#Badminton pic.twitter.com/z2zkKUDfjh
