ఓ పెద్ద కొండ చిలువ పట్టేసి.. మెడను చుట్టేసిందనుకోండి.. ఆ ఊహే ఎట్లుంటది…
వామ్మో.. ప్రాణం పోదూ అంటరు కదా.
ఓ 58 ఏళ్ల కార్మికుడికి అదే పరిస్థితి ఎదురైంది. కేరళలోని తిరువనంతపురంలో మంగళవారం జరిగిందీ ఘటన. స్థానికంగా నయ్యర్ డ్యాం పక్కన ఓ కాలేజీలో కొందరు కార్మికులు క్లీనింగ్ కార్యక్రమం చేస్తున్నారు. ఇంతలో ఎక్కడి నుంచి ఊడిపడిందో ఏమోగానీ, ఓ పెద్ద కొండ చిలువ భువనచంద్రన్ నాయర్ అనే వ్యక్తిపై పడింది. అతడు తేరుకునే లోపు మెడను చుట్టేసింది. విడిపించుకునేందుకు ఎంత ప్రయత్నించినా అది పట్టు సడలించలేదు. దీంతో తోటి కార్మికులు ఆ కొండ చిలువను లాగేశారు. కొండ చిలువకు ఎక్కడా అవకాశం ఇవ్వకుండా గట్టిగా పట్టి లాగారు. కొండ చిలువ పట్టుకు అతడికి కాసేపటిదాకా ఊపిరందలేదు. అతడిని ఆస్పత్రికి తీసుకెళ్లారు. అటవీ అధికారులు ఆ కొండ చిలువను దూరంగా అడవుల్లో వదిలేశారు.
