బీఎల్ సంతోష్కు సిట్ ఇచ్చిన 41ఏ సీఆర్ పీసీ నోటీసులపై హైకోర్టులో క్యాష్ పిటిషన్ ఫైల్ వేశామని బీజేపీ అధికార ప్రతినిధి, అడ్వకేట్ రచనా రెడ్డి తెలిపారు. పోలీసులు ఇచ్చిన 4 1ఏ నోటీసులో ఎలాంటి ఇన్ఫర్మేషన్ లేదని చెప్పారు. అనుమానితుల నుండి ఎలాంటి ఆధారాలు దొరికాయనే దానిపై పోలీసులు కోర్టుకు ఎలాంటి సమచారం ఇవ్వలేదని అన్నారు. దీంతో 41ఏ నోటీసులపైన హైకోర్టు స్టే ఇచ్చిందని చెప్పారు.
బీఎల్ సంతోష్ కు ఎందుకు 41 ఏ నోటీసులు ఇచ్చారో చెప్పాలని తాము అడిగామని రచనారెడ్డి అన్నారు. బీఎల్ సంతోష్ అనుమానితుడా, సాక్షినా అనే విషయాన్ని పొందుపరచలేదని స్పష్టం చేశారు. ఈ నెల 5న బీఎల్ సంతోష్కు నోటీసులు ఎందుకు ఇచ్చారో చెప్పాలని పోలీసులను హైకోర్టు క్వశ్చన్ చేసిందని రచనారెడ్డి వెల్లడించారు. బీఎల్ సంతోష్ ను ఎందుకు విచారణకు పిలుస్తున్నారో కూడా కారణాలు చెప్పలేదన్నారు. దాని గురించి ఎటువంటి సంభాషణ లేకుండా నోటీసులు ఎలా ఇస్తారని ప్రశ్నించారు.
