శ్రీలంక పర్యటనకు వెళ్లే శిఖర్ ధావన్ కెప్టెన్సీలోని టీమిండియాకు రాహుల్ ద్రావిడ్ కోచ్ గా వ్యవహరించనున్నట్లు బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా(BCCI) ప్రకటించింది. BCCI అధ్యక్షుడు సౌరవ్ గంగూలీ, కార్యదర్శి జై షాలు ఈ విషయాన్ని స్పష్టం చేశారు. జులైలో శ్రీలంకతో జరగనున్న లిమిటెడ్ ఓవర్ల మ్యాచ్ లకు ఇటీవలే టీమ్ ను కూడా బీసీసీఐ ఎంపిక చేసింది.
జులై 13 నుంచి శ్రీలంకతో జరిగే మూడు వన్డేలు, మూడు T20ల కోసం ఈ నెల 28న టీమిండియా ఆటగాళ్లు కొలంబో వెళ్లనున్నారు. అక్కడ జులై 4 వరకు మరోసారి క్వారంటైన్ కానున్నారు. ఆ తర్వాత ఆటగాళ్లంతా రెండు వేర్వేరు జట్లుగా ఏర్పడి ప్రాక్టీసు మ్యాచ్ లు ఆడుతారు. జులై 13, 16, 18న వన్డే మ్యాచ్ లు, 21, 23, 25వ తేదీల్లో T20 మ్యాచ్ లు జరుగనున్నాయి.
