- స్వయంగా రాసిన కీలక నోట్స్ కూడా..
- అవన్నీ అమెరికా ఉపాధ్యక్షుడిగా ఉన్నప్పటివనే అనుమానాలు
- ఆ డాక్యుమెంట్లలో రహస్యాలేం లేవు : అమెరికా ప్రెసిడెంట్ బైడెన్
వాషింగ్టన్: అమెరికా ప్రభుత్వ దర్యాప్తు సంస్థ ఎఫ్బీఐ ఏకంగా అధ్యక్షుడు జో బైడైన్ ఇంటిపై రైడ్స్ చేసింది. నార్త్ కరోలినా స్టేట్లోని విల్మింగ్టన్ నగరంలో ఉన్న బైడెన్ నివాసంలో దాదాపు 13 గంటలపాటు జరిపి సోదాల్లో ప్రభుత్వ వ్యవహారాలతో ముడిపడిన 6 సీక్రెట్ పేపర్స్ (క్లాసిఫైడ్ డాక్యుమెంట్స్) ను స్వాధీనం చేసుకున్నారు. వైస్ ప్రెసిడెంట్గా ఉన్న సమయంలో స్వయంగా బైడెన్ రాసుకున్న కీలక నోట్స్ను కూడా ఎఫ్బీఐ అధికారులు తీసుకెళ్లారు. ఈ వివరాలను ప్రెసిడెంట్ పర్సనల్ లాయర్ బాబ్ బౌర్ ధ్రువీకరించారు.
బైడెన్ నివాసంలోని లైబ్రరీ నుంచి ఆరు డాక్యుమెంట్లను ఎఫ్బీఐ స్వాధీనం చేసుకుందని.. తదుపరి విచారణ కోసం వాటిని న్యాయశాఖకు సమర్పించిందని తెలిపారు. ఈ డాక్యుమెంట్లన్నీ అమెరికా సెనెటర్గా, వైస్ ప్రెసిడెంట్గా(2009 నుంచి 2016) బైడెన్ వ్యవహరించిన సమయం నాటివన్నారు. ఈ దర్యాప్తునకు పూర్తిగా సహకరించాలని బైడెన్ తమకు నిర్దేశించారని, ఆ ప్రకారమే నడుచుకుంటున్నామని బాబ్ బౌర్ వెల్లడించారు. ఇక ఈ రైడ్స్పై న్యాయశాఖ ప్రత్యేక న్యాయవాది రిచర్డ్ సౌబెర్ కూడా స్పందించారు. సోదాలు జరిగిన సమయంలో ఇంట్లో బైడెన్ లేరన్నారు. కాగా, బైడెన్ ఇంట్లో తొలిసారిగా 2022 నవంబరు2న 10 క్లాసిఫైడ్ డాక్యుమెంట్స్ దర్యాప్తు అధికారులకు దొరికాయి.