- ప్రముఖ ఎలక్ట్రానిక్స్ కంపెనీ కేన్స్ టెక్నాలజీస్ వ్యవస్థాపకుడు
- చంద్రయాన్ కోసం ఇస్రోకు ఎలక్ట్రానిక్స్ సప్లై చేసిన సంస్థ
- ప్రయోగం సక్సెస్ అవడతో ప్రపంచ వ్యాప్తంగా గుర్తింపు, పెరిగిన బిజినెస్
న్యూఢిల్లీ: ఫోర్బ్స్ బిలియనీర్స్ లిస్ట్ 2024లో ఇండియాకు చెందిన రమేశ్ కున్హికన్నన్ స్థానం సంపాదించారు. 1.2 బిలియన్ల నెట్వర్త్తో ఆయన ఎలాన్ మస్క్, ముఖేశ్ అంబానీ, జెఫ్ బెజోస్, అదానీ లాంటి ప్రపంచ సంపన్నుల సరసన చేరారు. చంద్రయాన్- 3తో గతేడాది ఇండియా సాధించిన అంతరిక్ష విజయం.. కున్హికన్నన్ ను బిలియనీర్ను చేసింది. ఈ చంద్రయాన్ ప్రయోగం కోసం కున్హికన్నన్ ఎలక్ట్రానిక్స్ సప్లై చేశారు. ఈయన స్థాపించిన కేన్స్ టెక్నాలజీస్ ఇస్రోకు ఎలక్ట్రానిక్స్ సరఫరా చేసేంది.
చంద్రయాన్ 3లో అత్యంత కీలకమైన రోవర్, ల్యాండర్.. రెండింటికీ పవర్ అందించడానికి అవసరమైన ఎలక్ట్రానిక్ సిస్టమ్‌లను కేన్స్సంస్థ సరఫరా చేసింది. చంద్రయాన్ 3 ప్రయోగం సక్సెస్తో ఈ సంస్థకు ప్రపంచవ్యాప్తంగా గుర్తింపు వచ్చింది. షేర్ విలువ భారీగా పెరింగింది. అలాగే బిజినెస్ కూడా విస్తరించింది. మైసూర్ ఎన్ఐటీ నుంచి ఎలక్ట్రికల్ ఇంజినీరింగ్ చదివిన కున్హికన్నన్ 1988లో కేన్స్ టెక్నాలజీస్ స్థాపించారు.
సంస్థ ఎండీగా కొనసాగుతున్నారు. ఆయన భార్య సవిత రమేశ్ ప్రస్తుతం కంపెనీ చైర్పర్సన్ గా ఉన్నారు. కేన్స్ టెక్నాలజీలో రమేశ్ కున్హికన్నన్‌కు 64 శాతం వాటా ఉంది. ఈ సంస్థ 2022 నవంబర్ లో స్టాక్ మార్కెట్‌లోకి వచ్చింది. అప్పటి నుంచి దాని షేర్విలువ మూడు రెట్లు పెరిగింది. దీంతో కున్హికన్నన్ నెట్వర్త్ విపరీతంగా పెరిగి ఫోర్బ్స్ బిలియనీర్ల లిస్ట్లో చేరారు.
