- కవిత మామ రాంకిషన్ రావు
నవీపేట్, వెలుగు: ఎలాంటి నోటీసులు ఇవ్వకుండానే కుట్ర చేసి బీఆర్ఎస్ పార్టీ నుంచి కవితను బయటకు పంపారని ఆమె మామ రాంకిషన్ రావు ఆవేదన వ్యక్తం చేశారు. కల్వకుంట్ల కవిత సొంత మండలమైన నిజామాబాద్జిల్లా నవీపేట్ లో టీఆర్ ఎస్ పార్టీ జెండాను ఆయన ఆవిష్కరించారు. అనంతరం విలేకరులతో మాట్లాడుతూ.. తెలంగాణ రాష్ట్ర సాధన కోసం ఏర్పాటైన టీఆర్ఎస్.. ఆ తర్వాత బీఆర్ ఎస్ అని పేరు మార్చుకున్నప్పుడే కేసీఆర్ కు తెలియకుండా కొందరు గుంట నక్కలు తప్పుదోవ పట్టించారని ఆరోపించారు.
మేధావుల సలహా తీసుకొని తెలంగాణ రక్షణ కోసం బీసీ, ఎస్సీ, ఎస్టీ, మైనార్టీల సహకారంతో కవిత టీఆర్ఎస్ను ఏర్పాటు చేశారని తెలిపారు. నేతలు వరలక్ష్మి, లక్ష్మి నారాయణ భరద్వాజ్, అవంతిరావు, సర్పంచ్ తెలంగాణ శంకర్, సొసైటీ వైస్ చైర్మన్ ప్రవీణ్, మాజీ ఎంపీటీసీ జనార్దన్, అంజలి తదితరులు పాల్గొన్నారు.
