సత్యదేవ్, దీపా థామస్ జంటగా వెంకటేశ్ మహా రూపొందిస్తున్న చిత్రం ‘రావు బహదూర్’. జిఎంబీ ఎంటర్టైన్మెంట్స్ సమర్పణలో చింతా గోపాలకృష్ణా రెడ్డి, అనురాగ్ రెడ్డి, శరత్ చంద్ర కలిసి నిర్మిస్తున్నారు. బుధవారం ఫస్ట్ సాంగ్ను రిలీజ్ చేశారు. ఈ సందర్భంగా నిర్వహించిన ఈవెంట్లో సత్యదేవ్ మాట్లాడుతూ ‘ఈ పాట మహిళలను సెలబ్రేట్ చేసేలా ఉంటుంది. ఇందులో నేను పోషించిన రామప్ప పాత్ర కోసం ప్రతిరోజూ ఐదు గంటల మేకప్ పట్టేది. మహేష్ గారి బ్యానర్లో నటించడం అదృష్టంగా భావిస్తున్నా’ అని అన్నాడు. ఈ మూవీ తనకు గోల్డెన్స్ చాన్స్ అని హీరోయిన్ దీపా థామస్ చెప్పింది.
‘కేరాఫ్ కంచరపాలెం’ సినిమాకు పది రెట్లు అనుభూతి ఇవ్వాలనే ఉద్దేశంతోనే ఈ చిత్రాన్ని రూపొందిస్తున్నానని దర్శకుడు వెంకటేష్ మహా అన్నాడు. గొప్ప థియేట్రికల్ ఎక్స్పీరియెన్స్ ఇచ్చే చిత్రమిదని నిర్మాతలు అనురాగ్ రెడ్డి, శరత్ చంద్ర, గోపాలకృష్ణారెడ్డి అన్నారు. మ్యూజిక్ డైరెక్టర్ స్మరణ్ సాయి , సింగర్ విజయ్ యేసుదాస్ సహా టీమ్ అంతా పాల్గొన్నారు.
