పులులంటే ఎవరికి మాత్రం భయముండదు. ఎందుకంటే అత్యున్నత మాంసాహారులుగా ప్రసిద్ధి గాంచిన జంతువులు గనక. సాధారణంగా పులులు జింకలు, కోతులు, పందులు వంటి పెద్ద లేదా మధ్యస్థ-పరిమాణ క్షీరదాలను వేటాడడం అందరికీ తెలిసిన విషయమే. అయితే ఏనుగులను వేటాడే సందర్భాలు చాలా అరుదు. కొన్నిసార్లు అడవిలోని జంతువులు తమ మధ్య కమ్యూనికేషన్ ను చేతల్లో చూపిస్తూ ఉంటాయి. దీనికి సంబంధించిన ఓ వీడియో ప్రస్తుతం సోషల్ మీడియాలో వైరల్ అవుతోంది. ఈ వీడియో అడవిలోని అత్యంత ఆకర్షణీయమైన రెండు జంతువుల మధ్య పరస్పర గౌరవం, సామరస్యం వంటి అరుదైన లక్షణాన్ని చూపిస్తోంది.
ఇండియన్ ఫారెస్ట్ సర్వీస్ (IFS) అధికారి సుశాంత నందా షేర్ చేసిన ఈ వైరల్ వీడియోలో ఏనుగుల మంద చెట్ల మధ్యలో నుంచి వస్తుండగా.. ఆ సమయంలో ఆ దారినే వెళ్తు పులి.. ఏనుగుల గుంపును గమనించి ఓ పక్కకు దాక్కున్నట్టుగా ఉండిపోయింది. ఏనుగులు వెళ్లిపోయిన తర్వాత పులి అక్కడ్నుంచి అడవిలోకి వెళ్లిపోయింది. మామూలుగా పులి అంటే అందరికీ భయమే.. అత్యంత విస్మయాన్ని కలిగించే ఈ వీడియో ప్రస్తుతం వైరల్ గా మారింది. ఈ వీడియోని నిజానికి వైల్డ్‌లైఫ్ ఫోటోగ్రాఫర్ విజేత సింహా ఇన్‌స్టాగ్రామ్‌లో పోస్ట్ చేసారు. ఆ తర్వాత IFS అధికారి ట్విట్టర్ లో షేర్ చేశారు.
ట్విట్టర్ లో వైరల్ అవుతోన్న ఈ వీడియోకు ఇప్పటివరకు 38వేల వ్యూస్ వచ్చాయి. ఈ వీడియోతో పాటు, "జంతువులు ఇలా కమ్యూనికేట్ చేస్తాయి & సామరస్యాన్ని కాపాడుకుంటాయి... ఏనుగు పులిని వాసన చూస్తుంది. రాజు టైటాన్ మందకు దారి ఇస్తాడు" అని క్యాప్షన్ ను కూడా ఐఎఫ్ఎస్ అధికారి రాసుకొచ్చారు.
https://twitter.com/susantananda3/status/1652662175473778689
