హైదరాబాద్, వెలుగు: బయోఫార్మా కంపెనీ బయోలాజికల్ ఈ లిమిటెడ్ (బీఈ), చైనాకు చెందిన రెక్‌‌‌‌‌‌‌‌బయో టెక్నాలజీ కంపెనీ లిమిటెడ్ (రెక్‌‌‌‌‌‌‌‌బయో) కలిసి హెచ్పీవీ9 వ్యాక్సిన్‌‌‌‌‌‌‌‌ను భారతదేశంలో ఉత్పత్తి చేయడానికి ఒక వ్యూహాత్మక ఒప్పందం కుదుర్చుకున్నాయి.
ఈ భాగస్వామ్యం ద్వారా, రెక్‌‌‌‌‌‌‌‌బయో తమ అత్యాధునిక టెక్నాలజీని బీఈకి బదిలీ చేస్తుంది. ఫలితంగా భారతదేశంలో హెచ్పీవీ9 వ్యాక్సిన్ కమర్షియల్ ఉత్పత్తి సాధ్యమవుతుంది. హెచ్పీవీ9 వ్యాక్సిన్ హ్యూమన్ పాపిల్లోమావైరస్ (హెచ్పీవీ) 9 రకాల వ్యాధుల నుంచి రక్షణ కల్పిస్తుంది.
ఈ వైరస్ గర్భాశయ క్యాన్సర్, యోని క్యాన్సర్, పురుషాంగ క్యాన్సర్, జననేంద్రియ మొటిమలు, నోటి క్యాన్సర్‌‌‌‌‌‌‌‌లకు కారణమవుతుంది.
