న్యూఢిల్లీ: రికార్డులు మహేంద్ర సింగ్ధోనీ వైపే ఉన్నా.. తాను ఆడిన వారిలో లెజెండరీ స్పిన్నర్ అనిల్ కుంబ్లేనే బెస్ట్ కెప్టెన్ అని మాజీ క్రికెటర్ గౌతమ్ గంభీర్ చెప్పాడు. ఇండియా కెప్టెన్లుగా ధోనీ, సౌరవ్ గంగూలీపై తనకు గౌరవం ఉన్నప్పటికీ.. కుంబ్లేనే అద్భుతమైన నాయకుడని, జట్టును అతను చాలా కాలం నడిపించాల్సిందని అభిప్రాయపడ్డాడు. ‘రికార్డులు ధోనీ వైపే ఉన్నాయని ఒప్పుకోవాల్సిందే. అతను ఐసీసీ ట్రోఫీలన్నింటినీ సాధించాడు. కెప్టెన్గా అద్భుతంగా రాణించాడు. లాంగ్టైమ్ ప్రెజర్ను హ్యాండిల్ చేశాడు. సౌరవ్ కూడా చాలా సాధించాడు. అయితే, ఇండియాకు లాంగ్టైమ్ కెప్టెన్గా ఉండాల్సిందని నేను కోరుకునే ఏకైక వ్యక్తి అనిల్ కుంబ్లే. అతని కెప్టెన్సీలో నేను ఆరు టెస్టు మ్యాచ్లు ఆడా. కుంబ్లే ఎక్కువ కాలం కెప్టెన్గా కొనసాగి ఉంటే మాత్రం చాలా రికార్డులు బ్రేక్ చేసేవాడు’ అని చెప్పుకొచ్చాడు.
