అనేక మతాచారాలు, సంప్రదాయాల్లో కొన్ని మొక్కలు ఆధ్యాత్మిక చిహ్నాలుగా నిలిచాయి. వాటికి పవిత్ర స్థానం కల్పిస్తూ.. పూజలు కూడా చేసేవాళ్లు ఉన్నారు. వృక్షశాస్త్రంలోనూ కొన్ని మొక్కల విశిష్టతల గురించి ప్రస్తావన ఉంది. వాటిల్లో ప్రపంచంలోనే పవిత్రమైన మొక్కల విశేషాలను గురించి తెలుసుకుందాం. . .!
తామర పువ్వు (Lotus Flower): ఆధ్యాత్మికంగా తామర పువ్వు విశిష్టమైంది. పవిత్రతకు అందానికి తామర పువ్వు ప్రతీక హిందూ సంప్రదాయాలు, ఇతిహాసాల్లో తామర పూల ప్రస్తావన ఉంది. ఉదయించే సూర్యుడితో పాటు విచ్చుకునే కమలం.. రాత్రికి ముడుచుకు పోతుంది. తామరపువ్వులు బురదల్లోనే ఎక్కువగా పెరుగుతుంది. అయితే, పరిసరాలు ఎలా ఉన్నా ఆకర్షణీయంగా పెరగడం ఈ పువ్వు విశిష్టత. మనుషుల్లోనూ బయట పరిస్థితులు ఎలా ఉన్నా... అంతర్గత పవిత్రత, సౌందర్యం చెదరకుండా ఉండేందుకు ఉదాహరణే తామరపువ్వు.
తామరపువ్వు పురాణగాథ
విష్ణువు నాభి నుంచి ఆవిర్భవించిన తామర పుష్పం నుంచే బ్రహ్మదేవుడు ఉద్భవించాడని పురాణ గాథ. అంతేకాదు కమలం సృష్టికర్తకీ, పరమాత్మకు గల సంబంధానికి చిహ్నంగా నిలుస్తోంది. ప్రతి వ్యక్తిలోనూ పవిత్రమైన తామర జీవాత్మ ఉంటుందని హిందూమతం చెబుతోంది.
భూ తులసి (Basil) : ఆహార పదార్థాల్లో సువాసన కోసం వాడే ఆకులుగా 'తులసి' (ఓసిమమ్ జెసీలియమ్) గురించి చాలా మందికి తెలుసు. కానీ, క్రైస్తవమతంలో ప్రత్యేకించి గ్రీకు చేర్చి పరిధిలో ఇది చాలా పవిత్రమైన మొక్క బేసిల్.... అనే పేరు ...రాచరిక గ్రీకు.... పదం నుంచి వచ్చింది. యేసు రక్తం చిందిన చోట ఈ మొక్క పుట్టిందని క్రైస్తవులు విశ్వసిస్తారు. అప్పటి నుంచి శిలువ పూజలో, ప్రత్యేకించి ఉపవాస రోజుల్లో భూ తులసిని వినియోగిస్తున్నారు. మతాచార్యులు పవిత్ర జలాన్ని శుద్ధి చేసేందుకు కూడా భూతులసి ఆకులను ఉపయోగించే వాళ్లంట ....అంతేకాదు సమావేశాలకు వచ్చే ప్రజల మీద పవిత్ర జలాన్ని చిలకరించేందుకు కూడా భూతులసి ఆకులను ఉప యోగించే వాళ్లు. శిలువను కూడా ఈ మొక్క బొకేలతో అలంకరించి చర్చి చుట్టూ ఊరేగించి.. ఆ రెమ్మల ఆకులను భక్తులకు పంచుతారు. చాలా మంది రెమ్మలకు వేర్లు పుట్టేవరకూ నీటిలో ఉంచుతారు. అలా వేర్లు వచ్చిన తర్వాత దానిని ఇంట్లో నాటుకుంటారు.
ప్రియోటి ప్లాంట్(Peyote): టెక్సాస్ లోని కొన్ని ప్రాంతాల్లో, మెక్సికోలోని ఎడారుల్లో సహజంగా పెరిగే ఒక చిన్నపాటి, కాండం లేని జెముడు మొక్క పేయోటి. స్థానిక ఆదివాసులు దీనిని ఆధ్యాత్మక కార్యక్రమాల కోసం వినియోగిస్తున్నారు. మెక్సికోకు చెందిన హ్యూచోల్ ఇండియన్లు, ఉత్తర అమెరికాలోని చాలా ఆదివాసీ అమెరికా తెగల ప్రజలు. పేయోటి పవిత్రమైన పుష్పమని, దేవుడితో సంభాషించేందుకు ఇది సాయం చేస్తుందని విశ్వసించేవారు. 1950 వ దశకంలో కళాకారులు... సంగీత విద్యాంసులు... రచయితలు కూడా పేయోటి మొక్కను అమితంగా ఇష్టపడేవాళ్లు ఈ విషయాన్ని వనఖ ఫ్లూ ఓవర్ ద కకూస్ వెస్ట్'లో కూడా పేర్కొన్నారు..
