- పోస్ట్మార్టం రిపోర్టులో వెల్లడి
- యాక్టర్ దర్శన్ చుట్టూ బిగుస్తున్న ఉచ్చు
బెంగళూరు: రేణుస్వామి హత్యకేసులో అరెస్టయిన ప్రముఖ కన్నడ యాక్టర్ దర్శన్ చుట్టూ ఉచ్చు బిగుస్తోంది. దర్శన్తో పాటు అతడి అనుచరులు కొట్టిన దెబ్బలు తట్టుకోలేకనే రేణుస్వామి ప్రాణాలు కోల్పోయినట్లు తేలింది. రక్తస్రావం, షాక్ తో రేణుస్వామి చనిపోయాడని, అతడి బాడీపై 15 చోట్ల తీవ్రగాయాలున్నాయని పోస్ట్మార్టం రిపోర్టులో వెల్లడైంది.
దర్యాప్తులో భాగంగా స్పాట్కు వెళ్లిన పోలీసులు రేణుస్వామి హత్యకు వాడిన కర్రలు, రాడ్లు, లెదర్ బెల్టు, షెడ్డులో ఉన్న ట్రక్కు సహా మద్యం బాటిళ్లు, అక్కడి సీసీటీవీ ఫుటేజీని స్వాధీనం చేసుకున్నారు. మరోవైపు, రేణుస్వామిని చిత్రదుర్గ నుంచి బెంగళూరుకు తీసుకెళ్లిన రవి అనే డ్రైవర్ శుక్రవారం పోలీసులకు లొంగిపోయాడు. దర్శన్ సూచనల మేరకే రేణుస్వామిని కిడ్నాప్ చేసినట్లు వెల్లడించాడు.
