Rishikanta Singh: కామన్వెల్త్ గేమ్స్ పురుషుల 60 కేజీల వెయిట్లిఫ్టింగ్ విభాగంలో భారత అథ్లెట్ చనంబమ్ రిషికాంత్ సింగ్ అద్భుత ప్రదర్శన చేశాడు. ఈ పోటీలలో మొత్తం 264 కేజీల బరువును ఎత్తి భారత్ పతకాల పట్టికలో మరో పతకాన్ని చేర్చాడు. మలేషియాకు చెందిన మహమ్మద్ అనిక్ అగ్రస్థానంలో నిలవగా, రిషికాంత్ తన ప్రతిభతో రెండో స్థానాన్ని దక్కించుకుని దేశానికి కీర్తి తెచ్చాడు.
స్నాచ్లో గేమ్స్ రికార్డు నమోదు:
ఈ పోటీలలో రిషికాంత్ ఆరంభం నుంచే తన ఆధిపత్యాన్ని చాటాడు. స్నాచ్ విభాగంలో ఏకంగా 121 కేజీల బరువును విజయవంతంగా ఎత్తి సరికొత్త కామన్వెల్త్ గేమ్స్ రికార్డును నెలకొల్పాడు. ఆ తర్వాత మలేషియా లిఫ్టర్ మహమ్మద్ అనిక్ కూడా ఈ మార్కును సమం చేశాడు. అనంతరం జరిగిన క్లీన్ అండ్ జెర్క్ విభాగంలో తొలి ప్రయత్నంలో 143 కేజీల బరువును ఎత్తిన రిషికాంత్, 148 కేజీల రెండో ప్రయత్నంలో విఫలమైనప్పటికీ మొత్తంగా రికార్డు స్కోరు సాధించాడు.
మణిపూర్ నుంచి అంతర్జాతీయ విజయం వరకు:
మణిపూర్లోని ఇంఫాల్ వెస్ట్ ప్రాంతానికి చెందిన రిషికాంత్ సింగ్, అహ్మదాబాద్లో జరిగిన 2025 కామన్వెల్త్ వెయిట్లిఫ్టింగ్ ఛాంపియన్షిప్లో స్వర్ణ పతకం సాధించి ఛాంపియన్గా నిలిచాడు. అనంతరం గ్లాస్గో వేదికగా జరిగిన కామన్వెల్త్ గేమ్స్లోనూ అదే ఆత్మవిశ్వాసాన్ని కనబరిచి, కామన్వెల్త్ వేదికపై పతకం సాధించి తన పేరును సువర్ణాక్షరాలతో లిఖించుకున్నాడు.
𝐍𝐄𝐖𝐒 𝐅𝐋𝐀𝐒𝐇: 𝐑𝐢𝐬𝐡𝐢𝐤𝐚𝐧𝐭𝐚 𝐒𝐢𝐧𝐠𝐡 𝐰𝐢𝐧𝐬 𝐒𝐢𝐥𝐯𝐞𝐫 𝐦𝐞𝐝𝐚𝐥 𝐢𝐧 𝐖𝐞𝐢𝐠𝐡𝐭𝐥𝐢𝐟𝐭𝐢𝐧𝐠 (𝟔𝟎𝐤𝐠).
— India_AllSports (@India_AllSports) July 26, 2026
2nd medal for India! #Glasgow2026 #Glasgow2026withIAS pic.twitter.com/mHjfmO1KIb
