- ఈజీగా డిజిటల్ లైఫ్సర్టిఫికెట్ల సమర్పణకు అవకాశం
కోల్బెల్ట్, వెలుగు: సింగరేణి రిటైర్డు ఉద్యోగులు, పెన్షనర్లు సులభంగా డిజిటల్ లైఫ్ సర్టిఫికెట్లు (డీఎల్సీ) సమర్పించేందుకు సీఎంపీఎఫ్ (కోల్మైన్స్ప్రావిడెంట్ఫండ్ఆర్గనైజేషన్), సింగరేణి యాజమాన్యం సంయుక్తంగా ప్రత్యేక క్యాంపులు నిర్వహించనున్నాయి.
డిజిటల్ లైఫ్ సర్టిఫికెట్ క్యాంపెయిన్- 5.0 పేరుతో నవంబర్ 2 నుంచి 30 వరకు రామగుండం, బెల్లంపల్లి రీజియన్ల పరిధిలోని సింగరేణి ఏరియాల్లో ఈ క్యాంపులు చేపట్టనున్నారు. ఏటా నవంబర్ లో పెన్షనర్లు జీవన ప్రమాణ పత్రాలు సమర్పించాల్సి ఉంటుంది.
అయితే అవగాహన లేక, సొంత గ్రామాలకు వెళ్లిపోవడం, ఇతర కారణాలతో పలువురు సకాలంలో సర్టిఫికెట్లు అందించలేక పెన్షన్లు నిలిచిపోయే పరిస్థితి ఏర్పడుతోంది. ఈ సమస్యను పరిష్కరించేందుకు సీఎంపీఎఫ్ ఆఫీసర్లు ప్రత్యేక క్యాంపుల ద్వారా ఫ్రీగా డీఎల్సీలు స్వీకరించనున్నారు.
గోదావరిఖని సీఎంపీఎఫ్ ప్రాంతీయ కమిషనర్ డాక్టర్ గోవర్ధన్ కాంతేపూడి ఆదేశాల మేరకు ఏరియాల వారీగా క్యాంపులు నిర్వహించనున్నారు. మందమర్రిలో నవంబర్ 2, 3 తేదీల్లో, శ్రీరాంపూర్లో 4, 5, రామగుండం-–3లో 9, 10, భూపాలపల్లిలో 11, 12, గోలేటీలో 16, 17, రామగుండం–2లో 18, 19, రామగుండం-–1లో 23 నుంచి 25 వరకు క్యాంపులు ఏర్పాటు చేయనున్నారు.
గోదావరిఖని సీఎంపీఎఫ్ ఆఫీస్లో నవంబర్ 3 నుంచి 30 వరకు సర్టిఫికెట్లు స్వీకరించనున్నారు. పెన్షనర్లు క్యాంపులకు వచ్చేటప్పుడు పెన్షన్పేమెంట్ ఆర్డర్(పీపీవో) కాపీ, ఆధార్ కార్డు, బ్యాంకు పాస్బుక్, ఆధార్కు అనుసంధానమైన మొబైల్ నంబర్ తీసుకురావాలని ఆఫీసర్లు సూచించారు.
సీపీఆర్ఎంఎస్ రెన్యువల్కు అవకాశం..
కాంట్రిబ్యూటరీ పోస్ట్ రిటైర్ మెడికేర్ స్కీమ్(సీపీఆర్ఎంఎస్) మెడికల్ కార్డు రెన్యువల్ కోసం రిటైర్డు ఉద్యోగితోపాటు జీవిత భాగస్వామి కూడా లైఫ్ సర్టిఫికెట్ సమర్పించాల్సి ఉంటుందని, ప్రస్తుతం నిర్వహించే క్యాంపుల్లోనే కార్డు రెన్యువల్కు అవకాశం కల్పించాలని సింగరేణి రిటైర్డ్ ఎంప్లాయీస్ వెల్ఫేర్ అసోసియేషన్ డిప్యూటీ జనరల్ సెక్రటరీ ఆళవందార్ వేణుమాధవ్ కోరారు.
పెన్షనర్లకు ప్రయోజనం..
సీఎంపీఎఫ్, సింగరేణి ఆధ్వర్యంలో చేపట్టనున్న డిజిటల్ లైఫ్సర్టిఫికెట్క్యాంపులతో పెన్షన్ పొందుతున్న రిటైర్డ్ ఉద్యోగులకు ఈజీగా జీవన్ ప్రమాణ్ పత్రం సమర్పించేందుకు వెసులుబాటు కలుగుతుంది. సీఎంపీఎఫ్ ఆఫీసర్లు సూచించిన అన్ని డాక్యుమెంట్లతో రిటైర్డ్ ఉద్యోగులు హాజరు కావాలి.
- మందమర్రి ఏరియా జీఎం ఎన్.రాధాకృష్ణ-
