- 72వ రాష్ట్రస్థాయి మహిళా కబడ్డీ పోటీల్లో ఆసక్తికర సన్నివేశం
సత్తుపల్లి, వెలుగు : కబడ్డీ కూతతో హోరెత్తుతున్న మైదానంలో ఓ ఆసక్తికర దృశ్యం ఆవిష్కృతమైంది. రాష్ట్ర రెవెన్యూ, గృహ నిర్మాణం, సమాచార శాఖల మంత్రి పొంగులేటి శ్రీనివాస్రెడ్డి సతీమణి మాధురమ్మ కాసేపు క్రీడాకారిణిగా మారి కబడ్డీ ఆడి సందడి చేశారు. సత్తుపల్లిలో శుక్రవారం మువ్వా యూత్ ఆధ్వర్యంలో నిర్వహించిన 72వ రాష్ట్రస్థాయి మహిళా కబడ్డీ ఛాంపియన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌షిప్‌ పోటీలకు మంత్రి పొంగులేటి శ్రీనివాస్రెడ్డి, ఆయన సతీమణి మాధురమ్మ ముఖ్య అతిథులుగా హాజరయ్యారు.
రంగారెడ్డి, నల్లగొండ జట్లు ఫైనల్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌కు చేరిన సందర్భంగా మైదానానికి చేరుకున్న మాధురమ్మ వారితో ముచ్చటించారు. అనంతరం ఉత్సాహంగా కబడ్డీ మైదానంలోకి దిగి క్రీడాకారిణులతో కలిసి కాసేపు ఆట ఆడారు. ఈ సన్నివేశం క్రీడాకారిణులతో పాటు ప్రేక్షకులను ఆకట్టుకుంది.
