హైదరాబాద్: ఆదిలాబాద్ జిల్లాలో ఘోర రోడ్డు ప్రమాదం జరిగింది. జైనథ్ మండలం తరోడా దగ్గర జాతీయ రహదారిపై ప్రమాదవశాత్తూ కారు బోల్తా పడింది. ఈ ఘటనలో కారులో ప్రయాణిస్తోన్న ముగ్గురు మరణించగా.. మరొకరు తీవ్రంగా గాయపడ్డారు. సమాచారం అందుకున్న పోలీసులు ఘటన స్థలానికి చేరుకుని సహయక చర్యలు చేపట్టారు.
క్షతగాత్రుడిని, మృతదేహాలను పోస్ట్మార్టం కోసం ఆదిలాబాద్ రిమ్స్ ఆస్పత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. ఘటన స్థలాన్ని పరిశీలించి ప్రమాదానికి గల కారణాలపై ఆరా తీశారు. మృతులను ఆదిలాబాద్ జిల్లా కేంద్రానికి చెందిన షేక్ మొయినుద్దీన్, మోయిన్, కీర్తి సాగర్గా గుర్తించారు. యోగేష్ గాయపడ్డారని పోలీసులు తెలిపారు. ప్రమాదంలో కారు నుజ్జునుజ్జు అయ్యింది.
