తాడ్వాయి, వెలుగు: బైక్ అదుపుతప్పి ఒకరు మృతిచెందిన ఘటన ములుగు జిల్లాలో జరిగింది. తాడ్వాయి మండలం లింగాలకు చెందిన ఊకె సారయ్య (22), ఆగబోయిన మల్లేశ్ బైక్ పై సోమవారం పస్రాకు వెళ్తున్నారు. కోడిశాల – ఒడ్డుగూడెం మార్గమధ్యలో బైక్ అదుపుతప్పి మిషన్ భగీరథ పిల్లర్ ను ఢీకొట్టడంతో సారయ్య స్పాట్ లో చనిపోయాడు. మల్లేశ్ రోడ్డు పక్కన పడిపోయి అపస్మారకస్థితిలోకి వెళ్లాడు. తాడ్వాయి కాంగ్రెస్ మండల వర్కింగ్ ప్రెసిడెంట్ ముదురుకోళ్ల తిరుపతి పస్రాకు వెళ్తూ చూసి.. వెంటనే మల్లేశ్ను ప్రైవేటు వెహికల్ లో ములుగు ప్రభుత్వ తరలించారు. ఘటనపై కేసు నమోదు చేసి దర్యాప్తు చేస్తున్నట్టు తాడ్వాయి ఎస్ ఐ శ్రీకాంత్ రెడ్డి తెలిపారు.
